Thirty First of May (已結業)

又到咗荃湾广场嘅X田百货减价时候，买完心头好，就去咗隔离嘅大坝街揾地方食饭，见呢间 Thirty First of May 门面优雅漂亮，决定入去撑枱脚。餐厅环境舒服，装修甚有格调，特别喜欢天花板上嘅两个月球装饰。拣咗豪华海鲜拼盘二人套餐 ($538)海鲜拼盘 - 龙虾肉质紧致有龙虾味；带子刺身爽口鲜甜嫩滑；生蚝蚝味浓郁得嚟带有海水味及金属味；鲜蚬爽甜带海水味；翡翠螺螺味浓，肉质有嚼劲；虾爽甜弹牙、青口creamy嫩滑。食海鲜最紧要就系新鲜，呢个海鲜拼盘款款都新鲜味美，推介！海鲜拼盘配有三款酱汁，豉油、红酒醋及他他酱，不过因为款款海鲜都够新鲜，所以唔使蘸汁都已经好好食。轻煎吞拿鱼 - 吞拿鱼块表面煎得微脆带有香草味，肉质细致软滑，配上酸酸味味嘅芒果沙沙及芥末蛋黄酱，整体配搭，健康清新味美。黑松露野菌忌廉汤 - 黑松露同野菌味香浓有层次，故意保留嘅野菌粒粒增加质感，同香脆松化嘅餐包十分夹。西班牙海鲜饭 - 海鲜饭面铺有味美嘅虾、蚬及青口，饭入面加有火腿粒，饭粒香口得嚟饭心保持少许嚼劲，既丰富又好食。热咖啡 / 冻咖啡 - 各自配有一小瓶牛奶，热咖啡跟热牛奶，冻咖啡跟冻牛奶，连呢D细节位都