大壹燒鵝 (登輝大廈)

营业中

休息中

今日午餐去咗大壹烧鹅食，原来入面有卡位，比想像中干净。落单用QR code，餐牌有烧味单双拼饭，烧鹅单双拼饭。饭可转米粉，濑粉，河粉。可加钱要饮品。叉烧饭 $58叉烧大概有12旧，叫咗瘦，其实都系半肥瘦，系㶶边既，食落质感味道都唔错wor，又淋又蜜味，肥位唔少。伴有少少咸菜。饭粒就干身同瘦长。叉烧河粉 $58呢个叉烧叫左半肥瘦，真系半肥瘦wor。呢度叉烧会分开上。河粉都大碗，上面加上葱花，质感味道可以啦。烧鹅濑粉 $68可惜无原只烧鹅卖，仲烧紧，只好叫烧味饭。加$10要烧鹅胸，份量唔多，不过皮少少脆而多汁，脂肪唔算多，而肉都淋，可惜系冻冻地，一样伴有咸菜，另上甜酱。希望下次可试试原只烧鹅。濑粉比河粉明显好食，滑溜弹牙。叉烧例牌 $68见叉烧好食，即刻叫返个例牌。叉烧卖相不俗，㶶边半肥瘦，而上面洒上桂花瓣，仲系暖暖地上枱，呢个好出色。总括而言，烧鹅唔错，叉烧出色，价钱稍贵，不过值得一试。