東京街日本料理 (西洋菜南街)

营业中

休息中

约左朋友食饭，佢话落车行过黎见到间食日本嘢嘅餐厅，几好咁，所以就拣左呢佢食晚饭。餐厅好多人，上面仲有阁楼。餐牌选择好多，咩都有得食。朋友发办叫左刺身、寿司、串烧同饮品。三文鱼刺身(厚切) (4件)及甜虾刺身(4只)：三文鱼厚身之外，仲好大块，食落劲有口感同肥美；甜虾亦系大只够甜。寿司：有带子、大赤虾、油甘鱼腩、怪兽三文鱼腩同鱼籽花之恋，各款寿司入口鲜甜，刺身鱼带薄薄油脂，整体质素几好，唔错。烟肉荔枝卷：烟肉烧到好香出油，荔枝卷够juicy，味道好夹。烧牛舌：烧到刚刚好，带肉汁唔韧，调味几好，几好食。饮品：白桃汁果汁味浓，甜甜地又几好饮㖞。