Ocio (煙廠街) (已結業)

星期日黎到Ocio食个late lunch，好多人，好受欢迎，要等位。我地睇完假日午市套餐既餐牌，拣左Ocio特选全日早餐同日式咖哩牛舌饭。首先送上粟米忌廉汤，几好饮，唔会好粉。Ocio特选全日早餐有炒蛋、窝夫、番茄、鸡扒、烟三文鱼、薯条、沙律、肠仔、茄汁焗豆。一路都觉得全日早餐系啲食唔饱既野，但今次食得饱㖞，好丰富。窝夫香脆，其它食物份量都够多，唔错。日式咖哩牛舌饭唔辣，牛舌有三大块，软腍好食。咖哩汁配饭好下饭，仲有沙律伴碟。加左$15要冻朱古力，好饮又有卖相，唔会太甜。另一杯要冻柠茶，冻饮唔驶加钱，糖浆自己加几好。