蛇竇茶記 (德輔道西)

营业中

休息中

经外卖平台叫咗食物，一共要咗三个𩠌。每款小菜都有附送白饭同埋饮品。 先讲沙姜鸡（半只）（$111）。鸡肉好香，好重沙姜味。瘦位唔会太韧，肥位唔会太梅，啲肉好有咬口，好味！唯独系𠮶底有少少太油，算系美中不足。 茶王叉烧炒蛋（$94）份量好多。叉烧系瘦叉，但都好有蜜香。炒蛋份量好多，目测起码用咗5只蛋。不过可能系外卖嘅关系，啲蛋有少少过熟，就唔会有好「滑」嘅情况。 最后系金银蛋浸时菜（菜心）（$94）。菜心比较少，少过十条，但系配料就好充足。以菇类为例，就有金针菇、杏鲍菇、冬菇等等。金蛋（咸蛋）同银蛋（皮蛋）都有好多下。 白饭好大碗，一兜有碗半份量。餐饮就普普通通，冇乜特别。 总括而言，食物份量真系好多，三个小菜套餐，应该够四个成人食。