グリル滿天星

营业中

休息中

系海港城既日子，紧系要食好西啦。呢间过江龙听左好耐，而且每次都大排长龙又冇得book位，今日lunch，即刻冲过去拎位，都要等左成9个字。满天星肉汁汉堡扒蛋包饭汉堡扒软棉棉，一d都唔硬唔干。肉汁系酸酸地。蛋好香蛋香，单食会少少咸，要配饭食，有少少盖过左入面蕃茄饭既味道。日式咖喱吉列猪蛋包饭同事叫呢份咖喱饭，吉列猪外脆内软，好多汁，加埋好香既咖喱，令味道非常有层次。同事系个饭越挖越有惊喜，有唔同既配料，青豆、虾仁、红萝卜、香菇，最特别系有提子干，令个饭酸甜酸甜，非常特别。食到最后，先发现蛋包饭既饭系咖喱饭，唔系蕃茄饭。吉列广岛蚝我地眼阔肚窄，点左份小食。蚝好大只，外脆内多汁，加买佢既酸瓜酱，令个蚝非常之清新，唔会太油腻。加埋薯仔沙律，清爽既口感，解腻又清新。饭既份量系几大，我同我同事都食唔晒，下次可以share黎食，再叫下其他唔同小食或者甜品。整体来讲，系有少少贵，但去唔到日本，食完当去左架啦。佢既梳乎厘要2:30pm后提供，所以有少少失望。