十三少酸菜魚 (已結業)

早排想话约朋友食饭，大家都中意食辣又想系香港试下食酸菜鱼，就几个黎左呢间餐厅试下港版酸菜鱼。我地大嘅7点左右到餐厅，餐厅入面客人唔叫多，坐左2至3枱。但到8点左右就开始多人黎食，餐厅都慢慢坐满晒。好得意，餐厅会用将每对筷子摆系花生上面，好有特色。野食方面，餐厅主要卖酸菜鱼同水煮鱼。我地去食果日咁岩餐厅话水煮鱼暂停，不过唔紧要，我地梗系要试下佢个酸菜鱼！如果大家怕净系得酸菜鱼唔够，都可以叫下啲小食，餐厅都有多款凉拌比大家选择架！我地就首先叫左个川式口水鸡同凉拌土豆丝。口水鸡卖相十分吸引，食落啖啖肉就唔会老。味道方面，辣味唔会太重，中意食辣嘅可以掂多啲辣油，食落就会有麻嘅感觉。土豆丝味道适中，份量都有不少。而且唔食太油，几好食。到主菜，我地几个人叫左个劲量版辣味酸菜鱼。讲到劲量级，我将土豆丝放系隔离做个对比，真系超级大碗！大概有5个手掌咁大！3到4个人食真系一定够！酸菜鱼入面嘅鱼肉份量十足，煮到刚刚好而不老，配上啖啖酸菜直头系perfect match!汤底虽然有胡椒同辣椒，但辣味都唔会叫太重！一啖汤，加上酸菜同鱼，好好食！餐厅好贴心为每枱都会提供柠檬水，如果真系食唔到辣，柠檬水就会系你救