十三少酸菜魚 (已結業)

酸菜鱼系香港开会愈来愈普遍，但真系好正宗又好味既就唔系好多。不过大角嘴呢间酸菜鱼几有惊喜，味道同深圳某间有少少似🤩7点半左右到，都满左9成，估唔到咁多人😱好在等左一阵间就有位。入面装修走简约风，无乜花巧既装饰，感觉另一番风味。最令我印象深刻既系个筷子座。以为粒花生系假，点知原来系真😂我哋四人，点左十三少酸菜鱼（辣/ 劲量虾）店员建议4人食呢个就岩岩好。大家都比佢吓亲，因为真系好大份😯第一下大家都怕食唔晒，点知。。。🤣味道方面酸菜味好足，辣味亦岩岩好，辣得黎又入到口，唔会食到流晒汗，就咁饮个汤都好酸辣，饮上引。鱼质方面，几入味同肉质几嫩滑，食落唔觉好老好un ，仲有浓烈嘅酸菜味，食落有啲似深圳某二既酸菜鱼，真心好食😍食酸菜鱼当然要配白饭，白饭都ok，算几烟韧，捞个酸辣鱼汤就岩岩好，好快就扒晒碗饭😅整体来说，除左位置上可能有少少唔方便外，食物质素同服务都好好。