恆香冰室 (京瑞廣場2期)

营业中

休息中

恒香这个老品牌除了盛产驰名老婆饼，原来更有经营茶餐厅！最近喺石门见到〈恒香冰室〉，餐牌款式都几吸引，我哋都嚟试试先。.我哋叫了〈恒香金沙炒饭〉、〈招牌浓汤沙嗲牛肉公仔面常餐配菠萝油〉、〈雪花奶黄流心西多〉，加2杯饮品〈奶茶红豆冰〉及〈冰极巨峰红茶〉。.恒香金沙炒饭 —呢碟炒饭超大碟！炒饭里有好多蛋黄，令呢碟炒饭更香更惹味。配料有鸡蛋、叉烧、腊肠、大大粒虾仁，全部份量都唔少，口感好丰富。炒饭够镬气，不会过咸，配搭本身带有咸香的腊肠，味道刚刚好；炒饭粒粒分明够干身，加分👍🏻.招牌浓汤沙嗲牛肉公仔面常餐配菠萝油 —本身呢个餐系跟菠萝油，但菠萝油已卖晒，所以配丹麦酥俾我。丹麦酥好香牛油味、好松脆好食！火腿炒滑蛋，蛋炒得好滑溜；沙嗲牛肉好腍身、够入味；汤底好浓，花生酱及沙嗲酱的比例好平均，两者嘅味都好出，好食。.雪花奶黄流心西多 —呢件流心西多好邪恶🤤外表炸到好脆，内里夹著香浓的流心奶黄酱，咸咸甜甜好好味😋另有胡麻酱沙律菜伴碟，可以解去西多的肥腻感。.奶茶红豆冰 —奶茶口感好滑，奶味都几浓，估唔到配搭红豆冰又几好饮👍🏻.冰极巨峰红茶 —巨峰提子汁+柠檬+红茶的配搭，提子味好出，不会太甜，都唔错。