金家樂茶餐廳

营业中

休息中

好耐无食过茶餐厅，个日经过见到午餐例牌好似几正就入咗去。环境同一般茶餐厅差唔多，不过入座率就明显高过同一条街既其他茶餐厅。坐低无耐啲伙记就会过黎落单。因为日日都食饭所以就嗌咗个烧汁菠萝火腿扒意粉同冻奶茶。等左几分钟就先上咗杯冻奶茶，再等多阵就上埋个意粉。个意粉煮得啱啱好，唔会淋晒，份扒都大大旧，男人食都够晒饱。虽然啲汁比较多，同埋有少少咸，但唔捞晒黎食都ok。杯奶茶都好正！唔会好似其他普遍既茶餐厅劲甜或者无茶味。黎紧得闲都再会去帮衬！