漢年茶餐廳

营业中

休息中

嚟到大围新商场，食饭时间间间舖头都排队，想唔使排队又有好嘢食？梗系要去返附近嘅餐厅发掘一下啦。呢间茶餐厅喺大围火车站行过去大约两至3分钟，餐厅嘅人流非常之多，但系因为每个人都嚟到食完就走，所以都唔需要等位。餐厅最出名嘅就系盐焗鸡饭，可以选择鸡胸，鸡髀，或者鸡翼等等部位，碟头饭一碟大大碟，嫩滑嘅鸡肉加埋盐焗鸡酱，配合得非常之好。因为碟头饭非常大碟嘅关系，所以餐厅都有唔少大只哥哥过嚟食㗎。另一个餐厅招牌菜，就系椒盐猪扒饭，椒盐非常香口，猪排大大件，饭底可以选择炒底，炒底饭粒粒炒到金黄，非常特别。留意番，餐厅夜晚7:30就会闩门，所以想食嘅话就要早少少过嚟或者午市过嚟食啦。