金記冰室 (創紀之城五期(apm)) (已結業)

话说同事之前买左金记嘅Q邦，今日就约埋几个同事去观塘APM 金记用膳，今日午餐有个海鲜炒乌冬，睇落几吸引，价钱$64包餐汤连饮品，个罗宋汤都几好味嘅，非常浓郁，但个乌冬黎到就出晒事，虾有三粒，正常size，蟹柳一条切开两件，啲蚬肉同青口小都不在话下，蚬肉仲细过只尾指指甲，仲有啲青口，真系可以细到咁嘅；见到部长即时投诉，虽然佢都即刻帮我取消，再另外order其他餐，但觉得呢间餐厅好揾笨啰、唔好当我地啲客傻架啦⋯⋯临走个部长都好有礼貌解释，已经反映左比公司，咁大家咪睇下有冇改善啰😏，不过六十几蚊一个餐，观塘区应有更多好选择，本人就唔会再帮衬。