醉翁亭火鍋館 (已結業)

前几日同屋企人去观塘APM饮茶，个到出晒名有一栋全部都系酒楼，无意中发现３楼呢间醉翁亭火锅馆夜晚有得打边炉，所以今日就在一次同屋企人黎试下。佢都几平，平日$298无限时任饮任食，假日$328无限时任饮任食，9点后仲有8折优惠，另外生日优惠都有免费／半价，咁岩而家仲有一个优惠，就系有$30现金卷，真系平。坐低之后就可以出去拎熟食，款式都算多，又有糖水，仲有饮品都系出面拎，自由选择。跟住就可以选择汤底，我钟意食浓味，屋企人要清清淡淡，所以最最最钟意就系有得鸳鸯锅，一边沙爹汤，一边冬瓜瑶柱汤，每位入黎食既都会有一个套餐，包括(海鲜盘，至尊水饺皇，刺身并盘，极级牛颈脊，蚝皇花胶冬茹)。刺身好厚又新鲜，每人有一片，想叫要俾钱。海鲜样样都系新鲜既，最令我惊讶既系蛏子同贵妃蚌，好大只，煮熟之后，肉都唔会缩细，仲好鲜甜爽口。其实材料都系好多选择，雪花肥牛，猪颈肉，炸响铃，豆腐等等，豆腐好滑，猪颈肉比较爽口，炸响铃好脆，放落去吸晒Ｄ汤，好好味。总括黎讲$298有咁多选择，仲要样样都咁好味，又新鲜，物有所值。