影片
更多
2016-09-25
334 浏览
唔好怪我敷浅，我一谂想德国就第一时间谂起德国嘅型男，d型男型到呢。。。随街见到都型过人，系成个欧洲中最型嘅男性，又型又大只！哎，唔好意思^_^讲返食物先都系。德国谂起嘅呢最出名就系有德国嘅咸猪手，同埋德国嘅肠仔。两样我都好中意食，特别系肠仔，又多款式，有多味道，正餐食得，小食都得。其实而家喺香港唔算多德国餐厅嘅出现，通常就系食西餐嘅时候有埋德国菜，以德国菜为主嘅餐厅比较小，呢度有一间专食德国料理嘅餐厅，所以就去试一试佢先。先来一个肠仔沙律，其实讲真食咁耐沙律都未试过食德国肠仔沙律，呢个沙律入边有沙律菜，有洋葱，有酸瓜同埋有好多肠仔，味道似芝士肠，但系味道俾芝士肠更丰富，估唔到肠仔配沙律再加啲醋汁，食落去又几好食㖞。之后就叫咗两个餐汤呢两个餐汤真系几特别下，一个餐汤颜色就以红色为主，睇落去有少少似以蕃茄味为主嘅罗宋汤，饮落去系完全估唔到原来佢系酸味嘅青椒汤味，𠮶种感觉好特别好开胃，但系又一啲都唔辣，入面仲有好多牛肉系到非常之浓郁。另外一种餐汤就系白色为主，呢种餐汤饮落去就非常之杰身，佢系用薯仔来煲呢个汤，入面充满咗薯仔蓉，另外仲会有啲细萝卜粒，同埋有啲香草喺度，饮落去相比头先个汤味道就会
哎，唔好意思^_^讲返食物先都系。德国谂起嘅呢最出名就系有德国嘅咸猪手，同埋德国嘅肠仔。两样我都好中意食，特别系肠仔，又多款式，有多味道，正餐食得，小食都得。
其实而家喺香港唔算多德国餐厅嘅出现，通常就系食西餐嘅时候有埋德国菜，以德国菜为主嘅餐厅比较小，呢度有一间专食德国料理嘅餐厅，所以就去试一试佢先。
先来一个肠仔沙律，其实讲真食咁耐沙律都未试过食德国肠仔沙律，呢个沙律入边有沙律菜，有洋葱，有酸瓜同埋有好多肠仔，味道似芝士肠，但系味道俾芝士肠更丰富，估唔到肠仔配沙律再加啲醋汁，食落去又几好食㖞。之后就叫咗两个餐汤呢两个餐汤真系几特别下，一个餐汤颜色就以红色为主，睇落去有少少似以蕃茄味为主嘅罗宋汤，饮落去系完全估唔到原来佢系酸味嘅青椒汤味，𠮶种感觉好特别好开胃，但系又一啲都唔辣，入面仲有好多牛肉系到非常之浓郁。
另外一种餐汤就系白色为主，呢种餐汤饮落去就非常之杰身，佢系用薯仔来煲呢个汤，入面充满咗薯仔蓉，另外仲会有啲细萝卜粒，同埋有啲香草喺度，饮落去相比头先个汤味道就会较清淡。
之后就系主角嚟喇！就系德国嘅咸猪手，一嚟到嘅时候会原只猪手，跟住店员就会好细心咁样问你要唔要影相先，咁不嬲相机食先嘅我，梗系要影咗相先啦，当完成左之后呢店员就会好细心咁样帮你攞返入去厨房到切，切开一件件出嚟方便我地食。
呢只猪手个皮脆到呢，真系未食过一只猪手可以甘脆，佢嘅脆有小小似中式嘅烧腩仔，但系佢块皮系会痴住块肉一齐唔会散开嘅，所以上边脆卜卜，下面旧肉就好有质感，食落去有双重嘅口感，超级超级好食！
(我都忍唔住要问一问佢哋究竟呢只猪手系用咗啲乜嘢方法来煮，可以令块皮咁脆，原来呢，店员就透露个猪手呢系焗出嚟嘅，所以唔使怕会肥。)大虾墨鱼汁意大利饭--一听个名已经知道系矜贵自选啊！大大只大虾！再配埋超级多嘅墨鱼，另外个意大利饭用墨鱼汁煮嘅，墨鱼汁味浓。意大利饭就比较硬身，属于硬身型，咬落去好有嚼口。
其实食到来呢度已经非常之饱啦，因为呢度嘅嘢食一d都唔细，但系又点可以无咗个甜品㖞。甜品就拣咗两个芝士蛋糕，呢两个芝士蛋糕就唔系普通味道嘅芝士蛋糕。一个就系芝麻味，另外一个就系有柚子芝士蛋糕。
比较特别要推介食嘅就系呢个柚子芝士蛋糕啦，因为系出面完全都未试过有呢啲咁清新嘅口味，估唔到柚子配埋芝士𠮶种感觉都几清新，柚子嘅味淡淡散出，又唔会遮左芝士的味，味道有少少秋天嘅感觉，啱晒依家食啦！
张贴
