影片
更多
2006-05-30
12 浏览
琴晚同屋企人又再次嚟呢度做节食饭，呢度系我爸爸嘅饭堂(因为近屋企)，自从装修过之后，饮茶点心嘅水准提高咗，以为晚饭会一样，点知....爸爸预先写咗一圉菜，份量相当多，食到要打包...1)乳猪全体--- 皮相当脆，只猪不算太肥，佢哋亦好有心机将D肉及皮分开，值得一赞；2)金蒜银丝蒸大元贝--- 失败之作: 元贝尚够大只，不过佢哋加金蒜之余仲落咸豉油调味(呢D系普遍酒家嘅陋习)，搅到只元贝D味好咸，淋上去嘅滚油亦太多，破坏晒只元贝嘅鲜味;3)蜜糖豆鲜百合腰果虾球--- D豆炒得相当爽，百合亦够多，但系腰果就无乜，最失败嘅系D虾，虽然够大只亦够爽，但就一D虾味都无(可能系俾D粉"嗱"过咗笼);4)赤小豆粉葛鲮鱼汤--- 不过不失，有少许味精；5)清蒸大东星--- 条鱼好大条，食极都食唔完，肉质相当滑，火侯亦相当够，没有过生及过熟嘅情况，系全晚最好嘅一碟𩠌；6)砵酒焗美国桶蚝--- 一上枱个个哗哗声，因为只蚝实在太大只la，每只蚝有一块生菜塾底，上面铺满炸过嘅米线，卖相一流，可惜味道就九流--- 美国桶蚝系就够巨，但系就无乜蚝味，个献汁似甜酸汁多D，酒味欠奉，个汁完完全全盖过仅余嘅蚝味，呢𠮶𩠌
爸爸预先写咗一圉菜，份量相当多，食到要打包...
1)乳猪全体--- 皮相当脆，只猪不算太肥，佢哋亦好有心机将D肉及皮分开，值得一赞；
2)金蒜银丝蒸大元贝--- 失败之作: 元贝尚够大只，不过佢哋加金蒜之余仲落咸豉油调味(呢D系普遍酒家嘅陋习)，搅到只元贝D味好咸，淋上去嘅滚油亦太多，破坏晒只元贝嘅鲜味;
3)蜜糖豆鲜百合腰果虾球--- D豆炒得相当爽，百合亦够多，但系腰果就无乜，最失败嘅系D虾，虽然够大只亦够爽，但就一D虾味都无(可能系俾D粉"嗱"过咗笼);
4)赤小豆粉葛鲮鱼汤--- 不过不失，有少许味精；
5)清蒸大东星--- 条鱼好大条，食极都食唔完，肉质相当滑，火侯亦相当够，没有过生及过熟嘅情况，系全晚最好嘅一碟𩠌；
6)砵酒焗美国桶蚝--- 一上枱个个哗哗声，因为只蚝实在太大只la，每只蚝有一块生菜塾底，上面铺满炸过嘅米线，卖相一流，可惜味道就九流--- 美国桶蚝系就够巨，但系就无乜蚝味，个献汁似甜酸汁多D，酒味欠奉，个汁完完全全盖过仅余嘅蚝味，呢𠮶𩠌系明符其实嘅"大而无当"；
7)紫罗生炒骨--- 系食剩最多嘅𩠌，表皮炸得唔够脆，入面D肉亦无乜腌过，淡mou mou，个汁一闻落去就有一股剌鼻嘅感觉，太酸嘞;
8)鲜菌翡翠苗--- 所谓翡翠苗即系菜苗，比豆苗有咬口，菌亦铺满菜苗上，够晒份量，可惜太油la；
9)瑶柱鸡粒砂锅饭+ 花雕蟹肉蟹子烩伊面--- 用四个字形容最恰当--- 不知所谓，个饭整得太湿，一pat pat，D料尚算足，但饭嘅失败已足以破坏整个口感；D伊面亦无咬口，又系一pat pat，个花雕蟹肉蟹子好似一个献咁pat上去，根本味道唔能够融入个面，no good....>.<
10)甜品--- 试咗杏仁茶及姜茶汤丸。杏仁茶杏仁味不足，不够甜；个姜茶有D过辣，有D喧宾夺主嘅感觉，D汤圆应该系嚟自"利川"嘅，唉....
竟然食咗成3700蚊，真系食百几碗云吞面好过...
张贴
