影片
更多
2021-11-23
199 浏览
秋高气爽除咗郊游，又点少得BBQ呢？讲起BBQ就一定会谂起大尾督，今日就踩单车入大尾督BBQ啦！喺大尾督有好多任烧任食嘅烧烤场，其中一间颇有名气嘅就系巴希雅海湾重庆烧烤。巴希雅海湾重庆烧烤同平时嘅烧烤场好唔同，佢哋会先将食物用串吉好，形成串烧，大家可以好方便咁利用枱上嘅烧烤炉整熟，食得够晒方便。嚟巴希雅海湾重庆烧烤记住要预先book枱，因为我哋weekend嚟到，眼见walk-in嘅人好多，排晒长龙，反而有预订嘅朋友仔就可以优先入场呀！至于嚟巴希雅海湾重庆烧烤场就梗系两手揈揈，烧烤场已包咗烧烤炉、辣汁、每人2罐指定饮品、一盒海虾、一盒青口、一盒牛油金菇、香蕉、菠萝之外，当然仲有任烧任食嘅食物，款式劲多，非常丰富！海虾、青口海虾同青口预先放入锡纸盒，所以烧嘅时候唔会烧得太干。不过，由于餐厅并未有免费提供蜜糖同盐等调味料，如果你有需要，就要额外购买！但我哋就提醒青口唔洗刻意调味都非常鲜甜！任烧任食选择食物嘅种类真系好多，有厨师肠、台式香肠、芝士丸、贡丸、红肠、鸭胸、司华力肠等丸类之外；肉类选择有羊架、牛仔骨、鸡中翼、鸡全翼、牛柳粒、鸡肉串、鸡扒、猪扒、鸡肾、鸡软骨等等；菜类选择就有生菜、娃
嚟巴希雅海湾重庆烧烤记住要预先book枱，因为我哋weekend嚟到，眼见walk-in嘅人好多，排晒长龙，反而有预订嘅朋友仔就可以优先入场呀！至于嚟巴希雅海湾重庆烧烤场就梗系两手揈揈，烧烤场已包咗烧烤炉、辣汁、每人2罐指定饮品、一盒海虾、一盒青口、一盒牛油金菇、香蕉、菠萝之外，当然仲有任烧任食嘅食物，款式劲多，非常丰富！
海虾、青口
海虾同青口预先放入锡纸盒，所以烧嘅时候唔会烧得太干。不过，由于餐厅并未有免费提供蜜糖同盐等调味料，如果你有需要，就要额外购买！但我哋就提醒青口唔洗刻意调味都非常鲜甜！
任烧任食选择
食物嘅种类真系好多，有厨师肠、台式香肠、芝士丸、贡丸、红肠、鸭胸、司华力肠等丸类之外；肉类选择有羊架、牛仔骨、鸡中翼、鸡全翼、牛柳粒、鸡肉串、鸡扒、猪扒、鸡肾、鸡软骨等等；菜类选择就有生菜、娃娃菜、翠玉瓜、茄子等等！如果嚟到巴希雅海湾重庆烧烤已经好肚饿，喺等紧烧烤食物嘅时候，可以食住烧卖同咖哩鱼蛋先！我哋就有以下推介：
推介一：蒜蓉包
呢度嘅食物选择咁多，但我哋第一样推介就系蒜蓉包，全因想叫大家记住留肚呀！蒜蓉包轻轻烤烘之后，就已经脆边松化，至于面包上面就有大量蒜蓉，劲惹味呀！
推介二：牛仔骨
牛仔骨嘅牛味浓郁，调味唔会太咸，肉质嫩滑juicy！
推介三：鸡中翼
鸡翼腌得好入味，鸡皮烧到好香口，加上焦香味，非常吸引。
推介四：粟米
超甜！完！
张贴
