R&Y's International Cuisine (大尾篤村)

营业中

休息中

「钉钉…钉钉…」迎面吹来一阵海风，当我张开双眼，嚟到大尾笃，见到前面一个男生嘅背影，我追住佢部单车，佢回头叫我快啲啦，点知佢跌低咗…突然一声「起身喇！」，我坐咗喺架私家车入边，我改变唔到佢跌低嘅历史，但昔日嘅男生已成长，成为我嘅司机，带我嚟到大尾笃嘅R&Y's International Cuisine。餐厅以家庭小店经营，味道有一定水准，食饱饱再踩单车，自制充满学生回忆嘅大尾笃一天游。田园沙律、餐汤田园沙律配料有红菜头、蕃茄仔、鹰嘴豆、南瓜、木瓜、生菜等。材料配搭有心思而且用料新鲜，连唔系几钟意食菜嘅小编都清晒呀。而餐汤就系黑松露野菌汤，黑松露味香浓，而且用足材料，浓郁菇味倍增呀！美国顶级肉眼扒配红酒汁火候控制适中，牛扒嘅生熟度完美地系小编要求嘅五成熟。肉眼扒肉质鲜嫩，充满牛香味，加上红酒汁嘅配衬，令味道升华。而且呢度嘅配菜非常特别，系小编最爱嘅薯饼呀！煎挪威鲜三文鱼柳配白酒罗勒叶炒蚬三文鱼柳烹调到适中，一啲都唔嚡口，鲜嫩多汁，而且鱼肉新鲜，食落有淡淡三文鱼香味，配上用罗勒叶炒嘅蚬肉，鲜甜多汁。加上店家调配嘅酱汁，令到两款唔同嘅海鲜互相辉映。