湖越

营业中

休息中

今日去大埔龙尾沙滩玩，玩左阵行左去大尾笃揾野食。见到哩间餐厅食越南野，老公想食牛肉河就入去餐厅有分露天同埋室内，当日天气非常好而且仲有好靓嘅湖景，所以我哋就拣咗室外。打开餐牌我老公点咗一份生熟牛肉汤河， 我叫咗一份虾汤豚肉檬粉， 再加一份小食拼盘。食物到来卖相ok👍, 味道亦有惊喜！ 老公话牛肉相当唔错，生牛食落口嘅时候 够滑够爽，熟牛系牛𦟌， 牛味浓郁。我最欣赏嘅 就系我𠮶碗又有虾又有扎肉同埋豚肉 真系大满足😋。上菜之前店员 话汤系冇味精，可以放心饮用。即刻试一啖饮下，果然与出面嘅餐厅𠮶种味精汤完全不一样，味道 足够之余并不会饮完好口干个种 🤣叫左细size小食拼盘，份量好足够，我最钟意食咖哩角同虾饼。另外，龙眼冰甜度刚好，椰子咖啡都好香。除了食物丶环境之外， 亲切有礼嘅店员亦应记一功。 顺便一题，餐厅地方阔落丶环境清幽 食嘢之余你亦可以顺道畀自己身心灵休息一下，诚意推荐大家去试。