同心泰國菜館 (已結業)

同心, 未必系九龙城最出名的泰国菜馆, 但我由佢未红食到佢扩充营业, 都几替老板娘高兴。虽然, 佢话金融海啸令食客减少, 但触目所见仍有半满, 点都好过人地拍乌蝇!早前, 觉得佢水准好似跌左, 尤其系叫胡椒鸡居然冇胡椒, 真系太离谱喇! 老板娘就话有时师傅放了假, 唔同人煮, 水准有分别都系无可奈何的事。好在今次去时大师傅在阵, 水准应该有保证吧!鸭肉生菜包跟之前食差唔多, 但唔见晒D辣椒干, 唔知系咪伙记听错咗, 我叫佢辣D, 佢以为系唔好咁辣呢! 值得一提的, 是生菜系可以拣D大块D畀客人吧, 否则, 就包唔到D鸭肉碎了。脆肉炒椰菜苗就系咁多年来最出色的一次, 那些椰菜曲鲜嫩到不得了, 成碟自然一扫而空。而猪什汤河D汤依然咁浓, 材料亦冇少到 --------- 上半年乜都话加时, 去边度食饭D野都好似缩左水, 希望而家D野可以平番, SIZE都可以回复旧观啦!卖单找数, 百二蚊左右(因为今次冇叫啤酒), 抵食, 希望大师傅放少D假啦!