滿堂樂滬京風味

营业中

休息中

最近有间红磡街头嘅米芝莲小店搬咗新舖，以上海小食打响名堂，主打即叫即包嘅粢饭同咸豆浆。新店地方阔落咗，可以容纳到20个客左右，但平日晚上到访都需要等位 ，深受街坊欢迎。粢饭有咸有甜，新鲜热辣辣整起，前者含有肉松、榨菜同油条，后者就得油条同糖。糯米饭软糯可口，外层微微脆身，攞起粢饭唔会松散，而且入面馅料满满，估唔到食咗半个已经有啲饱。豆浆有咸有甜有热有冻，私心推介咸版本，加入大量葱、油条同虾干，带口感，油条吸满汤汁，豆味香浓，越饮越上瘾。剩热豆浆嘅可以要无糖，见唔少人饮紧，饮落暖笠笠，十分健康。主食有云吞猪扒同冬菇面。面条可因应个人喜好选择软熟度，云吞外层薄身，馅料多，味道偏淡，建议可以加黑/红醋或胡椒粉、猪扒够大块，外皮炸之前酥脆可口，肉质软嫩，啖啖肉、冬菇大粒又Juicy、鸡扒入味唔油腻，性价比高。