魚一壽司 (京都廣場)

营业中

休息中

今日系铜锣湾成8点半先收工，突然好想食寿司，然后朋友二话不说就带左我去京都广场嘅鱼一寿司。呢到系我第一次黎，一入到嚟确实又俾佢嘅装修惊艳到，我觉得佢都用咗唔少心思去装修，同埋一串串嘅日式灯笼亦都好有feel。睇一睇餐牌，原来嘢食嘅价钱都几合理，食完之后都觉得所有鱼生都好新鲜，喺铜锣湾以呢个价钱食到其实都几抵食。首先第一样嘢叫嘅就系𩽾𩾌鱼干，完全冇腥味，呢个一定要叫。主菜就要左鱼一极尚丼饭同本鲔丼。两个我地都要左免费加饭，因为最钟意呢度嘅饭同醋嘅比例好好，食落真系会想食多几啖饭。其中一个都加配埋面豉汤同茶碗蒸。呢度嘅面子汤绝对冇马虎，用咗好多鱼去熬制架。石狩锅配埋只温泉蛋一齐食，有暖身作用，呢个鱼汤汤底好浓，超级好食，加上仲有好多蔬菜，劲健康。