湯。雞

营业中

休息中

平时嚟亲葵广食嘢一定系扫街，食得多都闷闷地。今次同往日唔同，行到三楼经过间餐厅，门面简约型格，睇餐牌系食养生砂锅鸡为主，见几啱食就入去试试佢。星期日中午时间，葵广例牌人来人往。餐厅亦唔例外，排队排咗十分钟左右就有位，都唔算太耐。入到餐厅环境虽小，但枱与枱不算迫狭。- 砂窝姬松茸虫草花螺头花菇鸡⁸⁰汤料十足，有姬松茸、虫草花、螺头、花菇，细食人士只食汤料分分钟够饱，非常足料抵食。以汤做招牌嘅，当然第一时间试试个汤底先。汤底浓郁清甜，一饮就知绝无味精成份，感觉就似饮住家汤一样，熬制时间不会短，够晒养生。而鸡件嫩滑配上淮山面，面身不会过腍有咬口。好食到最后连汤都饮埋，大满足啊！- 麻辣墨鱼头⁴⁸秘制麻辣酱够惹味，配上爽脆墨鱼头，咬落爽口弹牙，系我觉得必叫嘅一道小食。大推！- 麻辣莲藕²⁴莲藕爽脆多汁，配上麻辣酱够惹味，非常开胃。