影片
更多
2023-10-20
126 浏览
相信唔少人见到海胆杯都会谂起鮨一 都算系佢地招牌菜 之前喺荃湾分店都食过 今次去到本店大埔 唔只海胆同鱼籽满泻嘅卖相够疯狂 价钱都疯狂地抵食 所以必须出post 大家一齐以晚市定食价钱 食到十一道菜有如omakase般嘅享受 听讲呢个餐是新推出 大家一定要留心睇🤓🤓🍂季节限定2人套餐($388/位)十一道菜呀癫呀 仲要系包埋生蚝刺身海胆鱼籽杯 单点海胆杯 特价都要$198 转日本海胆再加$50 而家餐包嘅就系日本海胆 净系个杯都已经$248…. 而家比多$140多十道菜 除番开每道$14 一路食一路觉得赚左🤤🤤 都系老规矩重点分享最惊喜几道菜 详情睇相睇餐牌😆🥓味淋鱼干点解鱼干都要拎出黎讲呢 因为平时食嘅鱼干普遍都较干身同硬 有时会有咬唔开嘅情况 但鮨一整嘅鱼干比较腍身亦都好入味 作为开胃菜系一流😆🦪时令生蚝一般日本生蚝比较creamy会糊住个口 今次采用嘅系西班牙生蚝 一样有手掌咁大只 口感比起日本生蚝会爽啲 我自己系几钟意 而且完全唔腥 海水味浓 再有少少酱汁调味 非常鲜味 🤓🍣刺身盛合四品每道菜都系一人一份 唔洗抢食 亦令人有食紧Omakase嘅感觉 一道道上 晚市Omakase
🍂季节限定2人套餐($388/位)
十一道菜呀癫呀 仲要系包埋生蚝刺身海胆鱼籽杯 单点海胆杯 特价都要$198 转日本海胆再加$50 而家餐包嘅就系日本海胆 净系个杯都已经$248…. 而家比多$140多十道菜 除番开每道$14 一路食一路觉得赚左🤤🤤 都系老规矩重点分享最惊喜几道菜 详情睇相睇餐牌😆
🥓味淋鱼干
点解鱼干都要拎出黎讲呢 因为平时食嘅鱼干普遍都较干身同硬 有时会有咬唔开嘅情况 但鮨一整嘅鱼干比较腍身亦都好入味 作为开胃菜系一流😆
🦪时令生蚝
一般日本生蚝比较creamy会糊住个口 今次采用嘅系西班牙生蚝 一样有手掌咁大只 口感比起日本生蚝会爽啲 我自己系几钟意 而且完全唔腥 海水味浓 再有少少酱汁调味 非常鲜味 🤓
🍣刺身盛合四品
每道菜都系一人一份 唔洗抢食 亦令人有食紧Omakase嘅感觉 一道道上 晚市Omakase价钱真系加多个1喺前面 $1388就系市价 所以呢个餐真系好抵食… 讲番刺身 四品系油甘鱼帆立贝三文鱼腩池鱼 全部都厚切 口感同味道都超新鲜🤣
🍸日本海胆鱼籽杯
套餐主角绝对系呢个杯 一人一杯嫁 慢慢舀 一啖海胆一啖鱼籽又得 一啖食闷海胆鱼籽同只甜虾都得 啖啖满足 海胆同鱼籽份量都非常足够 唔会净番啲饭食白饭🤤
🍙樱花虾葱吞拿鱼腩卷
仲唔系Omakase? 用葱吞拿鱼腩卷作结 绝对要Highlight系啲拖罗蓉同饭嘅份量差唔多系1:1 密度好高好creamy 加埋樱花虾夹埋一齐食又更加惹味😆
🍲溏心蛋蚬肉味噌汤乌冬
食完一杯饭同一个卷嘅饭仲未饱？唔洗担心 因为仲有成碗乌冬 以为用猪骨汤hea你塞饱你？真材实料嘅蚬肉汤 仲有两只厚肉嘅蚬同埋闪亮溏心蛋 大推介from争啲饮晒成碗汤嘅我🤭
🍰甜品
甜品系都唔细旧嘅芝士蛋糕 浓郁芝士味 都算典型喺日本菜食到嘅芝士蛋糕味 质地都几实净 作为跟餐甜品系好有水准😋
都忍唔住介绍左七道菜 净番四道其实都系好食只系真系太长冇人睇了 惟有用相片说话👇🏻😹
🥗蟹籽沙律
🍢渍物两品
🍅日本糖度蕃茄
🫔唐扬炸鸡配明太子酱
$388/位我认为系超值 季节限定 欲食从速😉😉
张贴
