影片
更多
2024-11-12
270 浏览
老婆大人最钟意食海鲜！呢日入咗西贡同朋友食晏拣咗有米芝莲一星嘅六福菜馆嚟开餐。呢间菜馆连续15年攞咗米芝莲一星，对于第一次嚟食嘅我多少都有啲期待。坐低整碟椒盐奇趣豆腐叹吓先，炸到好似一条条金砖咁个样好鬼靓。食落去个炸皮好薄好脆又唔油，入面嘅豆腐滑嘟嘟可以跣入喉咙好食㖞。西贡地道鱼汤用咗番茄薯仔嚟煲够晒鲜甜！话时话我都好耐冇饮过番茄薯仔汤喇。椒盐焗大连鲜鲍鱼大只到要用刀叉嚟享用！薄薄嘅炸浆同埋惹味嘅椒盐鲍鱼又香又烟靭真系整得好出色。花雕蛋白蒸斑马濑尿虾真系好鬼大只！濑尿虾肉质好嫩仲好鬼鲜甜，底下嘅蒸蛋白劲滑加埋花雕真系香到不得了。天妇罗桶蚝炸得好酥脆只只胀卜卜蚝味好香浓，夹上爽脆嘅生菜加埋脆米一齐食可以解油腻又好口感。野生海斑龙吐珠呢个样真系够晒有型！一条鱼两食分别整咗碧绿炒球同埋盐酥骨腩。炒球啖啖肉食鲜味，盐酥骨腩够香口用嚟送酒一流，两个唔同嘅煮法我都好钟意呀。蜜糖榄角骨系老婆大人钟意食嘅！呢条骨做得好松化又够腍，加埋甜嘅蜜糖同咸嘅榄角味道好有层次。姜葱炒蛏子皇配煎米粉底用煲仔上好鬼香，入面有用姜葱煮到好香好爽口嘅鲜甜蛏子皇，配埋啲炸咗嘅米粉一齐食真系好鬼正。听闻呢间嘅豉油王炒面煮得好
呢间菜馆连续15年攞咗米芝莲一星，对于第一次嚟食嘅我多少都有啲期待。
坐低整碟椒盐奇趣豆腐叹吓先，炸到好似一条条金砖咁个样好鬼靓。
食落去个炸皮好薄好脆又唔油，入面嘅豆腐滑嘟嘟可以跣入喉咙好食㖞。
西贡地道鱼汤用咗番茄薯仔嚟煲够晒鲜甜！话时话我都好耐冇饮过番茄薯仔汤喇。
椒盐焗大连鲜鲍鱼大只到要用刀叉嚟享用！薄薄嘅炸浆同埋惹味嘅椒盐鲍鱼又香又烟靭真系整得好出色。
花雕蛋白蒸斑马濑尿虾真系好鬼大只！濑尿虾肉质好嫩仲好鬼鲜甜，底下嘅蒸蛋白劲滑加埋花雕真系香到不得了。
天妇罗桶蚝炸得好酥脆只只胀卜卜蚝味好香浓，夹上爽脆嘅生菜加埋脆米一齐食可以解油腻又好口感。
野生海斑龙吐珠呢个样真系够晒有型！一条鱼两食分别整咗碧绿炒球同埋盐酥骨腩。
炒球啖啖肉食鲜味，盐酥骨腩够香口用嚟送酒一流，两个唔同嘅煮法我都好钟意呀。
蜜糖榄角骨系老婆大人钟意食嘅！呢条骨做得好松化又够腍，加埋甜嘅蜜糖同咸嘅榄角味道好有层次。
姜葱炒蛏子皇配煎米粉底用煲仔上好鬼香，入面有用姜葱煮到好香好爽口嘅鲜甜蛏子皇，配埋啲炸咗嘅米粉一齐食真系好鬼正。
听闻呢间嘅豉油王炒面煮得好出色梗系要叫碟嚟试吓啦！面质爽弹豉油味啱啱好唔会太咸，果然简单得嚟好好味。
最后仲试到菜馆泰国职员亲手整嘅椰汁西米糕！正宗口味咸甜做得啱啱好正呀喂。
张贴
