影片
更多
2006-12-18
6 浏览
本来一向对稻香印象不差，不过今晚提早做冬，同屋企人亲戚去食，就服务方面好唔满意！之前已订了台，都知道唔会话一去到就有，但都无理由book左7点半，早一个钟去罗，要等到7点10至有啊嘛？！呢样系第一样令人火滚之处！系，今晚系好多人，但试问九龙湾呢间稻香，有边个时间唔多人呢？咁样book台都要等到呕，同无book有乜分别？跟住一坐低，点左个套餐，竟然好快上菜；心谂，效率几好㖞！谁不知一食无耐，d菜系咁涌住上，似乎系已经一早整定一大lot，所以可以咁快上菜。整定系好，唔驶客人等，但问题系：d菜会冻。食左咁多个菜，除左最后个寿包系热辣辣之外，其他只属于暖暖地；最怒火系个翅，真系只得少少暖！话晒系汤水，无理由冻冰冰嘛！另外个餐包两Jar野，饮完一Jar之后，另一Jar等到食完至有！期间不停追问，答案系：唔够樽！呢样都会唔够的？！但最令我不满的是，侍应实在「太有效率了」，d整好既菜系咁上系咁上，迫客人拿拿林食完；有碟炒吊片其实只食左少半，竟然夹硬换只细碟！之后细碟装唔晒，就不问情由夹落客人的碗内。非常之赶、非常之赶……赶住收工吗？当然唔系，系想客人快d食完快d走人，跟住又有一台新客嘛。我明白做食肆
之前已订了台，都知道唔会话一去到就有，但都无理由book左7点半，早一个钟去罗，要等到7点10至有啊嘛？！呢样系第一样令人火滚之处！
系，今晚系好多人，但试问九龙湾呢间稻香，有边个时间唔多人呢？咁样book台都要等到呕，同无book有乜分别？
跟住一坐低，点左个套餐，竟然好快上菜；心谂，效率几好㖞！
谁不知一食无耐，d菜系咁涌住上，似乎系已经一早整定一大lot，所以可以咁快上菜。
整定系好，唔驶客人等，但问题系：d菜会冻。食左咁多个菜，除左最后个寿包系热辣辣之外，其他只属于暖暖地；最怒火系个翅，真系只得少少暖！话晒系汤水，无理由冻冰冰嘛！
另外个餐包两Jar野，饮完一Jar之后，另一Jar等到食完至有！期间不停追问，答案系：唔够樽！
呢样都会唔够的？！
但最令我不满的是，侍应实在「太有效率了」，d整好既菜系咁上系咁上，迫客人拿拿林食完；有碟炒吊片其实只食左少半，竟然夹硬换只细碟！之后细碟装唔晒，就不问情由夹落客人的碗内。
非常之赶、非常之赶……赶住收工吗？当然唔系，系想客人快d食完快d走人，跟住又有一台新客嘛。
我明白做食肆，如果d台流动快自然代表多生意，我都唔会好老土霸住唔肯走；但真系赶左d㖞呢次，我差唔多八点坐低，埋单果时刚刚过9点，系食得好赶好无瘾！
如果话只系食几百蚊野，系应该速速过主；话晒埋单都过3千蚊，畀人坐多阵吹水唔过份嘛？话晒做冬……
下次大时大节，都唔会再黎呢度食了，全香港又唔系得佢一间酒楼。
张贴