大滿屋日本料理 (已結業)

朋友知我成日食放题，今次介绍咗呢间大满屋，依家仲做紧优惠，第二位半价。见咁抵就去试试啦食物种类好多，但都不外乎平时放题有嘅食物。饮品方面，有果汁先生新出嘅杨枝甘露（不过比人拎晒，无的试 ）同蜜瓜椰汁露～不过我最后拣咗韩国蜜瓜奶同啤酒先叫刺身，摆设几靓，肉质望落都几新鲜。今次个三文鱼有腩边位，个人唔系太钟意，但肉质尚可平均刺身唔算好厚，但都有口感同觉得够新鲜黑鸟贝好少地方有得食，呢到有得食就梗系要叫下！好爽口甜虾都ok，无腥味叫嘅件数合理，厨房都出得岩数，无话会比漏。花之恋系我放题必叫，呢个花之恋嘅三文鱼比刺身好食。蟹籽够多，细细件，唔怕好快饱会食唔落其他野～吉列炸蚝，炸粉有啲厚，蚝仔比较细只，但味道唔错无得食鸡软骨，唯有试下鸡肾～好爽口，韧韧地咁，有啲盐，调味刚好，又唔会烧得㶶。最后食咗个蟹粥，因为平时食放题次次都食到好饱，食唔到熟食。粥底都有啲绵，有个蟹箝仔，好有蟹味～不过个粥应该有落，食唔惯嘅我食食下都觉得可以接受