Wagyu Ya (已結業)

放假当然食好d, 今晚约朋友嚟左E间专食和牛嘅餐厅食饭, 餐厅分左bar枱同普通座位, 店员安排左车车坐系卡位嘅位置, 空间几大坐得几舒服🌟和牛沙律沙律菜清新爽脆, 上面放上和牛, 和牛油脂丰腴, 口感软腍, 配搭芝麻酱非常开胃🌟和牛紫苏天妇罗最近突然好中意紫苏花, 除左刺身, 估唔到和牛同紫苏嘅味道都几夹, 天妇罗炸起热辣辣, 外脆内软, 带紫苏独特嘅香气, 味道不错🌟和牛鹅肝三文治足料足量超豪华嘅三文治, 外层包皮香脆, 食落满满嘅脂香, 口感丰富, 和牛同鹅肝嘅油份渗入面包食落几好味, 之后食埋渍蕃茄清一清口腔又可以开始食今晚嘅重头戏🌟和牛拼盘成餐饭嘅重点就系烧！牛！肉！和牛拼盘有薄烧／牛舌／西冷／肉眼／牛三角, 款款都肉味浓郁, 各有唔同程度嘅脂香同口感, 车车最爱薄烧, 烧完即刻沾上蛋汁, 啖啖油香, 肉质柔嫩, 满满嘅幸福感🌟和牛樱花虾舞茸釜饭饭粒饱满烟韧, 和牛, 舞茸同樱花虾嘅香气满溢, 充满鲜香且口感丰富🌟面豉汤🌟甜品甜品拣左芝麻雪糕+日本蜜瓜, 蜜瓜香甜多汁超好味