橫浜街場 (已結業)

冬天最岩就系打边炉，横浜街场绝对系一个好选择。佢既环境好舒服，我坐既位系窗口位，可以同朋友好好聚餐。一坐低，店员就拎左前菜比我地，超级贴心，可以一边食一边谂食咩好。我同朋友拣左人参药膳乌鸡锅套餐，呢个餐仲跟埋红酒同白酒，呢个白酒系来自法国既得奖白酒！药膳火锅黎啦！！！一打开盖就可以闻香浓既药材味，冬天食呢个煲真系好岩，可以补身。我地拣左蒙古羊肉做肉既主食，好少见到打边炉有羊肉拣，抵赞！啲配菜好丰富啊，有高质既手打丸，同出面普通既打边炉完全系唔同层次，呢度绝对系高级既享受！除左配菜之外，仲有好多火锅配料都系任点既！值得一提既系，佢既煲系用杉木黎做，双层设计，入面仲放左石头可以过滤汤既油份，成煲汤饮落好清甜。店员既态度超级好，时不时会主动帮我地加汤同埋换碟，真系好贴心！当火锅煲到咁上下时，店员会将里面既鸡拎出黎再切件比我地食，好细心，同埋咁样就唔怕啲肉会太老，可以保持佢嫩滑既口感食完火锅，估唔到仲有甜品啊，好surprise,呢个奶冻奶香味浓，好好味！呢餐火锅真系我食过最好味既火锅，下次要同朋友试埋海鲜锅先得！