影片
更多
2024-09-25
1937 浏览
2024年9月15日 星期日终于难得系周末嘅时间可以family day，带咗小朋友出咗尖沙咀周围行，顺便放下电，到晏昼见肚饿就决定喺海港城揾嘢食咁啱见到近期喺香港各个地方都开咗分店嘅大热人气韩国餐厅，仲要咁啱有客人离开，有一张空枱，所以就入咗去食餐厅原来做紧开学优惠，只要出示学生证再follow餐厅嘅网上平台，就可以饮品无限加添或者单点食物有七折优惠，对于学生嚟讲真系好抵，可惜我已经过咗学生嘅年龄。。。虽然冇得用优惠，但系睇返餐牌，见到食物嘅价钱唔算太贵，而且有好多种类，仲有近期大热嘅开心果新产品添，实在花多眼乱，所以我哋就决定点咗几款新推出嘅食品由点餐至食物送到都只系十几分钟，送菜速度几快，首先就有极度惹味泡菜八爪鱼紫菜包饭，包饭上面放满咗泡菜同大大粒八爪鱼，食落去味道有少少辣，越食越惹味，但又唔会辣到入唔到口，泡菜同包饭里面嘅配料都几夹，仲有八爪鱼一啲都唔韧，煮得啱啱好呢个系老婆点嘅济州柑橘乳酸梳打，味道酸酸甜甜几清新，乳酸同柑橘捞埋一齐饮又唔会觉得太甜，反而更突显柑橘既味道至于我就要左人生迷芒的芒果沙冰，无谂到会有半旧芒果插左落饮品之中，仲已经切开咗方便进食，芒果几香甜，沙冰够
终于难得系周末嘅时间可以family day，带咗小朋友出咗尖沙咀周围行，顺便放下电，到晏昼见肚饿就决定喺海港城揾嘢食
咁啱见到近期喺香港各个地方都开咗分店嘅大热人气韩国餐厅，仲要咁啱有客人离开，有一张空枱，所以就入咗去食
餐厅原来做紧开学优惠，只要出示学生证再follow餐厅嘅网上平台，就可以饮品无限加添或者单点食物有七折优惠，对于学生嚟讲真系好抵，可惜我已经过咗学生嘅年龄。。。
虽然冇得用优惠，但系睇返餐牌，见到食物嘅价钱唔算太贵，而且有好多种类，仲有近期大热嘅开心果新产品添，实在花多眼乱，所以我哋就决定点咗几款新推出嘅食品
由点餐至食物送到都只系十几分钟，送菜速度几快，首先就有极度惹味泡菜八爪鱼紫菜包饭，包饭上面放满咗泡菜同大大粒八爪鱼，食落去味道有少少辣，越食越惹味，但又唔会辣到入唔到口，泡菜同包饭里面嘅配料都几夹，仲有八爪鱼一啲都唔韧，煮得啱啱好
呢个系老婆点嘅济州柑橘乳酸梳打，味道酸酸甜甜几清新，乳酸同柑橘捞埋一齐饮又唔会觉得太甜，反而更突显柑橘既味道
至于我就要左人生迷芒的芒果沙冰，无谂到会有半旧芒果插左落饮品之中，仲已经切开咗方便进食，芒果几香甜，沙冰够晒冰冻，而且仲食到芒果蓉添，够晒份量
之后有乌卒卒墨汁八爪鱼炖饭，真系每一粒饭都沾满咗墨鱼汁，每一啖都充满八爪鱼嘅鲜味，上面仲有沙律酱，同墨鱼汁出奇地配合，食落感觉冇咁腻，而且八爪鱼好弹牙
最后仲有重点推介开唔开心试左先知既开心果蜜糖窝夫，成个菜式都充满开心果元素，包括有开心果酱、开心果碎同开心果奶冻等等，仲有焦糖粒铺喺面，所以味道十分丰富，每一啖都食到开心果味，同一时间窝夫都整得好松软，一切就切得开，大大力推荐！！
两个人食咗五百几蚊，已经饱住个肚咁走
张贴
