花斑茶社 (樂道)

营业中

休息中

經過尖沙咀樂道的花斑茶社，就想飲黑糖珍珠飲品，小店仲有益力多系列，好岩夏天飲。之前都去過荃灣分店，但大甲芋飲品售罄而無飲到，所以今次就點來飲。當然黑糖珍珠系列係吸引又好飲，仲鮮果茶、奶茶、抹茶、原味茶類……選擇好多。大甲芋頭鮮奶+蜂蜜珍珠 $35大甲芋肉質細膩且黏滑，粉質較高，所以口感鬆軟綿密，入口即化，加上香氣濃郁，配合鮮奶更加有香、濃、滑。另外加了蜂蜜珍珠，令整個飲品增添口感層次，甜思思的蜂蜜有細膩的香味，珍珠好彈好煙韌。黑糖珍珠抹茶鮮奶 $32顏色很靚，由最頂的抹茶綠色至中間鮮奶，再到最底的黑糖珍珠，搞勻才品嚐。先飲到濃濃的黑糖味，香甜且不膩，珍珠好煙韌好咬，煮得入味，口感亦剛好，配合濃厚的明治4.3鮮奶，令口感更香滑。最後慢慢出抹茶味，茶味甘香回味，也中和黑糖的甜度，令味道更溫和順喉。