樂園魚蛋 (亞皆老街)

营业中

休息中

今日心血来潮突然想食牛腩河😆，系旺角游左个大花园都唔知食边间好😵，咁啱行到亚皆老街见到呢间粉面店，我地两个都行到攰，决定比次机会佢，试下佢d牛腩粉。呢间餐厅原来观塘、将军澳同北角都有分店，而旺角呢间更加系旗舰店😳，而且开张无耐，餐厅光猛装修企理，空间阔落，座位坐得舒适。餐牌有好多不同款式粉面选择，𩠌有牛、丸类、饺，我地点左两碗粉面同两杯饮品。🌟崩沙牛腩河嚟到呢度点可以唔试佢嘅崩沙牛腩，因为系限量供应，卖晒就冇㗎啦，好彩我哋今日黎得算早，仲食得到🤪牛腩炆得软腍，唔会好鞋口同韧，口感十足。汤底唔咸，饮得出好足料去煲个汤底，食落无味精嘅味道。河粉系幼身河，煮得啱啱好，唔容易断开。仲配左葱花同炸蒜，食落好香口，加左佢地秘制辣椒酱，食落更惹味，好食👍🏻🌟乐园四宝丸河呢碗河粉有炸鱼片、墨鱼丸、猪肉丸、鱼蛋同埋鱼皮饺，鱼片同鱼旦食得出鱼味，唔系出面果d用面粉扮鱼片同鱼旦，墨鱼丸同猪肉丸都好香好弹牙，至于鱼皮饺亦都好好食，食到浓浓嘅鱼味。至于饮品我地就叫左冻柠乐同冻奶茶，冻柠乐比左成杯冰，饮落够晒冻😜；冻奶茶茶够浓，淡奶分量适中，饮落香滑。