群記爽腩店 (已結業)

其实早半年前当湾仔群记新开张时，小肥已经同公司经理排队食过碗免费牛腩牛丸河，记得当时感觉都好正面。上星期再次光临，店舖门面及室内环境卫生冇乜大改动，不过冷气明显比刚开业劲。楼面伙计多咗，而且较初期熟练，繁忙时间虽然满座，但效率颇高，完全唔会浪费时间，落单需时仅为九秒九 ，面食三分钟内送到，餐具全于餐桌上揾到。小肥叫咗碗「崩沙腩汤米」。汤米不单个碗大，米粉同崩沙腩o既份量都同样十足，27蚊碗绝对抵食 ！热辣辣o既米粉唔会过腍，汤底浓郁得黎又唔油腻，芽菜爽脆，但问题系崩沙腩有少少韧，所以扣咗一分。虽然因健康理由而家少食咗淀粉质，但为咗要支持良心食肆 ，XO仔决定每个月最少黎帮衬一次！