金滿膳燒味餐室 (已結業)

咁啱喺牛头角经过呢间烧味餐厅，外面已经见到佢哋大大个餐牌，好似又几抵食，玻璃窗入面烧味都好靓仔好吸引，同朋友又肚饿啦就俾佢吸引咗啦。天气咁热即刻叫返枝雪碧同忌廉爽一爽先。见到佢哋啲烧味咁抢眼，我哋就决定叫烧味四宝饭 同招牌脆皮烧腩仔饭。烧味四宝饭入面有叉烧、红肠、咸蛋同埋白切鸡。食落啲白切鸡咸咸地，肉质又滑嫩，连埋鸡皮声真系好满足啊。跟住叉烧都系好出色，烧到非常之均匀，食落仲会有啲柚子味，好钟意呢种味道。招牌脆皮烧腩仔饭不愧系招牌，一碟入面有劲多旧，啱晒我呢啲食肉兽，唔使郁我真系冇力做嘢。仲要系超级脆皮，肉质好淋，外脆内软真系无得弹！