越旺美食 (裝修中)

约左住附近嘅朋友食个lunch，之后顺便去旺角街市买𩠌。天气热唔想食饭，所以拣左食越南野。越旺店面都算大，地方光猛企理，虽然有个越字，但其实都有其他东南亚菜同港式碟头饭，例如喇沙、咖哩等等。香茅猪扒河($49) - 猪扒已经预先切件方便食，肉质唔会太韧太鞋，河粉都几薄几滑，河粉量都算多。越式金牛河($71) - 金河牛好大碗，入面有生熟牛肉、牛丸、牛腩同牛肚，非常足料，汤底用牛骨煮成，牛味清甜唔过油，食完都唔觉口渴。越式炸虾饼($28/半客) - 所有粉面饭都可以用优惠价追加小食，份量大约系正常size一半。虾饼虾味十足，非常弹口，蘸埋甜酸酱食更好食。越式蒸粉卷($20/2件) - 蒸粉卷唔系间间越南食店都有，哩度嘅蒸粉卷粉卷皮唔会太厚，入面酿满沙葛、红萝卜、木耳、洋葱、芫荽、猪肉，口感非常丰富，就咁蘸鱼露食已经好食。越式小食拼盘($88) - 拼盘有鸡翼、越南春卷、串烧、扎肉同虾片扎肉，足够二至四人share食。鸡翼同春卷几香脆但又唔会太油，串烧肉质软嫩，沙嗲味都几香。椰汁绿豆冰 & 菠萝红豆冰(跟餐半价$14/杯) - 跟餐特饮半价，椰汁绿豆冰几重椰汁味，除左绿豆，仲有啲珍多喺入面