COBALT

营业中

休息中

奥海城行出少少，原来有好多新餐厅😺呢间餐厅装修比较有情调灯光暗暗地，系个倾偈好地方。兰王蛋鞑靼牛肉大推✨✨🤭真系整得好靓味道都正，系必试既鞑靼牛肉，牛肉好新鲜一啲都唔腥，口感滑嫩浓浓蛋香。如果再酸啲啲会更好，多士好脆切得好靓，有少少橄榄油系上面调味。海胆忌廉汁蟹肉意大利饭 饭粒煮到刚好带点烟韧嘅口感，而且饭入面有啲菇混合左，相对有口感。本身上面有好多海胆酱，可以自己慢慢搅拌混合，口感creamy 份量多。黑椒青柠鸡翼鸡翼都系诚意之作，似系用左光波炉，因为鸡翼食落一啲都唔油但成只都好脆，好用心咁样夹住咗青柠同蕃茄仔，黑椒份量足够，所以食落去好香。甜品方面食咗芝士蛋糕同埋啤梨挞，非常推介俾你拍，因为佢底部有好香嘅杏仁味，唔会太甜，味道好特别。