瀛豐放題料理專門店 (已搬遷) 新店位置

同朋友饭聚，见到铜锣湾「瀛丰放题料理专门店」最近有大闸蟹及生蚝日式放题， 两样我都喜欢， 所以就book咗， 第一次嚟食估唔到放题，食物质素都好高质，款式都算多，超过100款， 有刺身、寿司、卷物、手卷等，另外亦有泰式食品及甜品雪糕，饮品有樽装、罐装包装、有酒精或冇酒精都有，地方不算大，但都算坐得舒服。大闸蟹即叫即蒸，唔算细只，好新鲜，蟹膏算肥美 肉质鲜味。法国生蚝大大只，啖啖肉，有海水味，肥美又鲜甜。海胆带子带子大大粒， 肉质肥美，夹著鲜甜的海胆， 口感非常好。当日我哋仲要咗多款刺身、寿司、手卷及串烧等，当然仲有食甜雪糕啦， 非常满足。