千房 (已結業)

今日放下假行下旺角新开商场发现千房原来系香港开左分店!之前系日本食过就爱上左,见到当然入去试下可唔可以揾返大阪既味道.lunch time有lunch set包一款前菜面鼓汤,主食都几多选择,最后决定食可以自己DIY系列.前菜系油豆腐干再加少少冷菠菜红萝卜蛋丝.豚肉烧有一份餐单上教学逐个步骤指引,图文表达好清晰又容易明白,跟住黎DIY可以好轻松完成✅.大阪烧最怕系粉浆太多同日本一样粉少菜多,粉浆少而簿,椰菜丝切得细粒.拌好所有食材后就放上枱上热板炉上面成型,再铺上豚肉反反覆覆后完成.因为椰菜分量较多,口感十分爽脆粉浆熟得黎又带湿润感加上烧汁浆同木鱼丝同大阪一样.豚平烧系日式煎蛋加上豚肉既簿版日式卷蛋,蛋浆加上左少少葱令蛋加上葱香豚肉油脂香渗系蛋内更加香浓感觉几新鲜.