影片
更多
2014-08-08
1450 浏览
呢个FRIDAY既晚上, 我相约左一位认识左17年既好朋友黎到the green lounge, 准备使用之前买落既groupon! 而呢度有一项特别服务, 就系枱底传心声喇! 呢度既枱玻璃面下有个~7-8CM厚既位置, 入面已经有D装饰物, 好似玩具车仔, 花... 重点系可以砌D句子黎比个惊喜对方! 我系订枱个时已经讲定左我想要咩字"Best Friend for 17 Years", 一坐低个时因为有2张餐垫系枱面, 所以我只可以偷望下有无字, 而店员可能见到我呢个行为先问我book左姓咩, 然后先print左张纸放入另一张枱, 再叫我地调过去... 有d失望系得张白纸印句句子出黎, 而唔系一粒粒砌个只... 所以连相都无影到 讲返餐饭先, groupon包一个餐汤, 一份沙律, 一个主菜及14款甜品任点~ 可以系当晚既餐单拣2个主菜, 见到餐牌上面既价钱几乎吓亲我以为无得用groupon 点左餐之后就有面包篮喇~ 入面有个牛角包, 提子松饼, 同2块脆卜卜既多士, 面包整得中规中矩, 提子松饼就特别松软, 但全部都几好食! 今晚既餐汤绿绿地, 我谂都
我系订枱个时已经讲定左我想要咩字"Best Friend for 17 Years", 一坐低个时因为有2张餐垫系枱面, 所以我只可以偷望下有无字, 而店员可能见到我呢个行为先问我book左姓咩, 然后先print左张纸放入另一张枱, 再叫我地调过去... 有d失望系得张白纸印句句子出黎, 而唔系一粒粒砌个只... 所以连相都无影到
讲返餐饭先, groupon包一个餐汤, 一份沙律, 一个主菜及14款甜品任点~ 可以系当晚既餐单拣2个主菜, 见到餐牌上面既价钱几乎吓亲我以为无得用groupon
点左餐之后就有面包篮喇~ 入面有个牛角包, 提子松饼, 同2块脆卜卜既多士, 面包整得中规中矩, 提子松饼就特别松软, 但全部都几好食!
今晚既餐汤绿绿地, 我谂都系蔬菜汤... 不过饮到有d粉状既粒粒, 口感有d感, 似系即溶粉冲出黎咁, 麻麻地...
2款前菜每样要左一个: 巴马火腿件蜜瓜及红菜头苹果健康沙律, 黎到个时谂点解唔叫2个巴马火腿, 好似抵D嘛 虽然红菜头健康D, 不过我地觉得个汁太浓, 令到沙律失左新鲜感, 不过红菜头好爽口! 巴马火腿就几岩香港人口味, 唔会太咸, 我系想个蜜瓜再甜D就好XD
我点既主菜出场lu! 香煎三文鱼扒伴波菜薯蓉, 卖相好吸引! 可以见到块三文鱼排都几大, 而且煎到皮好香脆, 切落去仲有D鱼油流出黎但完全唔腻, 而且煎得岩岩好鱼肉好松化! 下面既薯蓉整得好滑好细致, 完全无一粒粒薯仔, 带有少许波菜香味, 不过食得多都有D济 旁边既黑色酱甜甜地既, 用黎配薯蓉都几好味~~
另一碟就系大虾蒜片天使面, 有2只虾大大只扒系天使面上面, 好引诱人 个天使面比较干身, 不过好弹牙烟韧, 口感不错! 虾已经一开二所以好易就食到虾肉, 不过无咩鲜味, 质地一般... 朋友觉得个面几辣下, 不过我又觉得只系少少, 仲几过瘾~ 之后就系甜品时间!!! 换个menu继续战斗! 都有成4款心太软, 窝夫, 沙冰... 就系唔拣得梳乎厘, 想食都可以不过要正价 唔紧要! 一于食晒其他啦!
心太软我地前前后后都叫晒呀! 唯一可惜系佢整唔到朋友好想试既士多啤梨心太软... 不过呢度既心太软都整得唔错㖞! 切开真系会流出黎汁(除左朱古力焗爆左...), 而且伴碟设计简约, 可以突显到心太软同雪糕既关系~ 我觉得蛋糕可以再焗脆D, 唔洗流晒D汁出黎就塌左XD 不过都几松软算唔错!绿茶香得黎带有少许涩味, 唔会好漏所以食极都唔嫌 朱古力对我黎讲太甜, 浅尝即可... 最尾个冧酒几有惊喜㖞! 食完仲有酒既回甘, 成口都系bailey味, 仲有少少醉
食唔到士多啤梨心太软, 唯有食窝夫! 呢度既窝夫焗得麻麻, 唔够蛋味又略欠香脆松软, 如果可以多d士多啤梨就好!
睇相以为冰沙系绵绵冰, 点知系杯饮品! 呢杯冰沙重奶味, 无咩士多啤梨味, 相比其他甜品就有d失色...其实呢间餐厅都唔错, 不过如果系要比正价食set就未必拣呢度喇~ 但如果想比惊喜对方就可以考虑下呢度心声服务!
题外话/补充资料：
黎之前已经知道唔少人话侍应态度有问题, 而当晚我地都感受到有一位侍应态度真系麻麻地...落order个时又一句断言话无晒喇, last order左... 但同时亦有另外2位系非常殷切, 所以平冲下仍然系可以接受...
(以上食记乃用户个人意见 , 并不代表OpenRice之观点。)
张贴
