拾う月

营业中

休息中

朋友介绍话新蒲岗广场有间泰菜加日本菜，第一次去果阵，见到个商场真系好功能性，有清晰目标先会去，例如揾食。商场入口右边搭lift上二楼会容易啲，见到大鱼缸就系。枱同枱之间都有啲距离，同朋友嚟倾下偈食饭都舒服。日式泰式 menu 一次过比晒你，之前食过泰国菜，今次食日式。天气有啲热，朋友未到叫咗杯茉莉花梅酒饮住等，唔太甜又香，我哋坐咗好耐，各自都饮咗几杯。叫咗两个丼饭，好新鲜，卖相几靓，加$8有汤有沙律，而且服务好，可能唔算太多人，我哋食完唔走倾下偈都仍然好勤力添茶。新蒲岗广场隔离有停车场，不过好似好少位，泊 Mikiki 行过去五分钟左右。