影片
更多
2024-05-13
42 浏览
天后嘅食街出名多嘢食，应有尽有，琳瑯满目。而喺食街屹立多年，主打泰国菜嘅泰出色泰国餐厅就系我哋嘅心水推介。餐厅内挂上泰王及王后嘅相片，可想而知餐厅由传统嘅泰国人主理，出品充满地道暹罗风。泰式小食拼盘今次我哋叫咗二人餐，套餐非常丰富抵食。除咗汤之外，前菜嘅泰式小食拼盘，就有2串泰式沙嗲串烧猪、泰式炸虾饼同埋泰式炸春卷。两款炸物都好香脆，特别喜欢泰式炸虾饼，虾肉份量劲多，食嘅时候够晒弹牙。泰式沙嗲串烧猪有意想不到嘅肉嫩，加上微微嘅焦香，非常惹味。泰式焗粉丝虎虾煲只只虎虾都大大只，肉质弹牙之余，仲要爆多虾膏。重点当然系垫底嘅粉丝，完美地吸收晒虾膏嘅鲜甜味，加上蒜蓉嘅香味，又香又浓！另外，伴随虾煲嘅仲有泰国香葱蒜蓉包，建议上枱先食，如果唔系，粉丝就会索晒啲酱汁呀！无骨海南鸡啖啖肉嘅无骨海南鸡，啱晒我哋呢啲懒人！金黄色嘅鸡皮，望见就流晒口水。虽然呢啲无骨海南鸡系鸡胸肉，好彩鸡肉尚算嫩滑，而且海南鸡唔肥，唔会成个碟都系油，所以食嘅时候无咁大负担。菠萝鸡粒炒饭唔知大家最中意泰式菠萝炒饭边一种配菜? 我就最中意提子干喇！甜甜哋嘅提子干，除咗令人更开胃之外，重点系增加整个炒饭嘅口感。至于饭粒炒到粒粒金黄
泰式小食拼盘
今次我哋叫咗二人餐，套餐非常丰富抵食。除咗汤之外，前菜嘅泰式小食拼盘，就有2串泰式沙嗲串烧猪、泰式炸虾饼同埋泰式炸春卷。两款炸物都好香脆，特别喜欢泰式炸虾饼，虾肉份量劲多，食嘅时候够晒弹牙。泰式沙嗲串烧猪有意想不到嘅肉嫩，加上微微嘅焦香，非常惹味。
泰式焗粉丝虎虾煲
只只虎虾都大大只，肉质弹牙之余，仲要爆多虾膏。重点当然系垫底嘅粉丝，完美地吸收晒虾膏嘅鲜甜味，加上蒜蓉嘅香味，又香又浓！另外，伴随虾煲嘅仲有泰国香葱蒜蓉包，建议上枱先食，如果唔系，粉丝就会索晒啲酱汁呀！
无骨海南鸡
啖啖肉嘅无骨海南鸡，啱晒我哋呢啲懒人！金黄色嘅鸡皮，望见就流晒口水。虽然呢啲无骨海南鸡系鸡胸肉，好彩鸡肉尚算嫩滑，而且海南鸡唔肥，唔会成个碟都系油，所以食嘅时候无咁大负担。
菠萝鸡粒炒饭
唔知大家最中意泰式菠萝炒饭边一种配菜? 我就最中意提子干喇！甜甜哋嘅提子干，除咗令人更开胃之外，重点系增加整个炒饭嘅口感。至于饭粒炒到粒粒金黄色并且粒粒分明，干身得嚟又充满淡淡黄姜同咖喱味。
泰式精美甜品
甜品系西米糕同椰子糕：西米糕超香椰汁味，仲有芋头粒增加口感；至于椰子糕好清爽、入面仲有椰子肉，真材实料！
泰式珍多冰、泰式奶茶
泰国嘢嘅特饮又点少得珍多冰同泰式奶茶呢！珍多冰嘅绿豆粉条、椰汁、椰糖同冰碎，椰香味极浓，钟意椰汁必点；至于泰式奶茶奶，奶香十足，但又唔会盖过茶味，比例啱啱好。
张贴
