Drool Froyo

营业中

休息中

逛完年宵行经天后街头，无意间被一间小店吸引住 - Drool Froyo！虽然天气冻冰冰，但都抑压唔住我想食雪糕嘅心。 作为芒粉，我点咗自选「牛角杯」、啖啖肉芒果、大大粒蓝莓，乳酪雪糕本身就有阵淡淡嘅酸甜味，一入口就好开胃。芒果酱加入，酸甜口感更加浓郁，而蓝莓又为雪糕增添唔同嘅风味。咬一口酥脆嘅牛角，再蘸上一啖乳酪雪糕，层次丰富！ 搭子自选「满足杯」，配料有啖啖肉芒果、蝴蝶酥、oreo同朱古力酱。Baileys朱古力酱嘅酒味唔浓，反而朱古力味浓郁，啖啖肉芒果果肉软糯鲜甜，蝴蝶酥嘅酥脆同雪糕搭配得天衣无缝。 呢间店唔单止有多款推介嘅乳酪杯，仲可以自己选择配料同酱汁。无论清新嘅水果，定系甜品，都可以配出一杯啱自己口味嘅乳酪雪糕。