影片
更多
2011-09-26
146 浏览
呢期师傅一个礼拜都梗有一至两日会喺天后呢头出没, 既然蒲得呢个环头, 就少不免要食下野! 其实师傅一向对呢个环头冇咩认识, 更惶论有咩好食呢? 所以就随著己意, 四围逛, 四围试, 看看有甚么吸引就入去填饱个肚! 上星期师傅就拣左呢间食店作为师傅嘅天后第一击!去到门口, 见到都有唔少食客在排队, 师傅心谂唔系咁爆呀, 再探头入去一看, 发觉店内并唔多人, 食客只系在轮候外带, 但直觉告诉师傅呢间食店应该唔少料, 于是入内坐底, 再望下有咩好食!其实望咩鬼, 入得黎呢类食店, 师傅就会变得好鬼专一, 所以求其望下个餐牌就同个伙计哥哥落单, 而拣选的当然系师傅最爱的叉烧饭; 师傅仲千叮万嘱一定要半肥半瘦, 再顺便问下系咩例汤, 其实系咩例汤都唔重要, 皆因师傅心里早己确定要饮例汤, 所以师傅唔记得用咩煲啲咩喇!落完单又未食得咪四围瞄下, 发觉地方都光猛清洁, 感觉十分舒服! 等左唔使好耐, 例汤同叉烧饭已经同时放喺师傅面前, 睇见最爱嘅叉烧依然容光焕发, 应肥的则肥, 应瘦的亦则瘦, 真系令师傅爱不惜口; 但斋睇唔食似乎唔合乎经济和成本效益, 所以师傅就好快咁将一件叉烧放入口, 发觉叉烧烧
去到门口, 见到都有唔少食客在排队, 师傅心谂唔系咁爆呀, 再探头入去一看, 发觉店内并唔多人, 食客只系在轮候外带, 但直觉告诉师傅呢间食店应该唔少料, 于是入内坐底, 再望下有咩好食!
其实望咩鬼, 入得黎呢类食店, 师傅就会变得好鬼专一, 所以求其望下个餐牌就同个伙计哥哥落单, 而拣选的当然系师傅最爱的叉烧饭; 师傅仲千叮万嘱一定要半肥半瘦, 再顺便问下系咩例汤, 其实系咩例汤都唔重要, 皆因师傅心里早己确定要饮例汤, 所以师傅唔记得用咩煲啲咩喇!
落完单又未食得咪四围瞄下, 发觉地方都光猛清洁, 感觉十分舒服! 等左唔使好耐, 例汤同叉烧饭已经同时放喺师傅面前, 睇见最爱嘅叉烧依然容光焕发, 应肥的则肥, 应瘦的亦则瘦, 真系令师傅爱不惜口; 但斋睇唔食似乎唔合乎经济和成本效益, 所以师傅就好快咁将一件叉烧放入口, 发觉叉烧烧得并唔干身, 肉身松软并不韧身, 仲要有少少蜜味, 甜甜地, 加上卖相唔会太红, 绝唔会有一种夸张嘅感觉, 整体而言真的不错!
叉烧饭伴碟亦有几条青绿的芥兰, 入口鲜甜爽嫩, 绝对冇渣, 令师傅好有叫碟油菜嘅冲动! 最后例汤就够清甜, 煲得好够火喉, 绝不似一般的例水, 加上冇任何味精, 汤料亦足, 真的不错, 师傅绝对同意食家 “Gourmet KC”嘅说法, 例汤更好!
总括黎讲食物质素相当不俗, 环境清洁光猛, 服务亦友善, 价钱就好大众化, 廿三蚊一碟单拼饭, 加多碗例汤都系六蚊, 三十蚊唔使喺天后区食到晚餐, 呢个抵食度师傅觉得满分呀! 师傅喺天后第一击嘅开局看来不错, 期待第二击亦能大旺收场! 笑脸绝对值得一比, 而且师傅肯定会再黎!
张贴
