影片
更多
2023-01-17
66 浏览
黑木亭📍 天后清风街10号清风大厦地舖🌄环境环境几清静，稍微昏暗嘅环境同埋坐得几舒服嘅环境，好适合三五知己放工之后嚟食下野chill下～值得一提嘅系餐具部分，好可爱！全部都系一种樱花嘅模样，劲少女劲可爱～～～🌸 🧡 食物🐚 帆立贝汁烧 $58成大只帆立贝劲大劲厚肉劲鲜甜！而汁有啲偏甜，将帆立贝𠮶种天然嘅鲜甜激发晒出嚟，十分好食！推荐度：😋😋😋🥓 豚肉包鸡髀菇武士辣酱 $38呢个食法意外地夹！火候啱啱好，鸡髀菇烧到好软熟又保留到好多汁，出面嘅豚肉又烧到微微干硬，两个口感夹埋劲夹！而个汁少少甜，后劲有啲辣，无论系鸡髀菇定系豚肉都好入味，好惹味！好食！推荐度：😋😋😋😋🍢 烧汁牛肉金菇 $58呢个好经典嘅组合都一啲都唔马虎，好惹味嘅、有啲碳香味嘅牛肉包住爽脆嘅金菇😘酱汁都调教得好出色，咸咸甜甜咁，好惹味～推荐度：😋😋😋😋🍣 三文鱼籽寿司 $58好新鲜嘅鱼子粒粒鲜甜爆满，十分好食！😋推荐度：😋😋😋🦪 海产细味六杯蚝 $284呢个总共有六杯，三只味，每种味两杯，有泰式酱汁，鸡尾酒酱，日式酸汁😙但系唔使惊，鸡尾酒系冇酒精的！个人觉得整体每一旧生蚝鲜而不腥，十分肥美爆满，连我一个唔钟意食蚝嘅人都觉得好
📍 天后清风街10号清风大厦地舖
🌄环境
环境几清静，稍微昏暗嘅环境同埋坐得几舒服嘅环境，好适合三五知己放工之后嚟食下野chill下～值得一提嘅系餐具部分，好可爱！全部都系一种樱花嘅模样，劲少女劲可爱～～～🌸
🧡 食物
🐚 帆立贝汁烧 $58
成大只帆立贝劲大劲厚肉劲鲜甜！而汁有啲偏甜，将帆立贝𠮶种天然嘅鲜甜激发晒出嚟，十分好食！
推荐度：😋😋😋
🥓 豚肉包鸡髀菇武士辣酱 $38
呢个食法意外地夹！火候啱啱好，鸡髀菇烧到好软熟又保留到好多汁，出面嘅豚肉又烧到微微干硬，两个口感夹埋劲夹！而个汁少少甜，后劲有啲辣，无论系鸡髀菇定系豚肉都好入味，好惹味！好食！
推荐度：😋😋😋😋
🍢 烧汁牛肉金菇 $58
呢个好经典嘅组合都一啲都唔马虎，好惹味嘅、有啲碳香味嘅牛肉包住爽脆嘅金菇😘酱汁都调教得好出色，咸咸甜甜咁，好惹味～
推荐度：😋😋😋😋
🍣 三文鱼籽寿司 $58
好新鲜嘅鱼子粒粒鲜甜爆满，十分好食！😋
推荐度：😋😋😋
🦪 海产细味六杯蚝 $284
呢个总共有六杯，三只味，每种味两杯，有泰式酱汁，鸡尾酒酱，日式酸汁😙但系唔使惊，鸡尾酒系冇酒精的！个人觉得整体每一旧生蚝鲜而不腥，十分肥美爆满，连我一个唔钟意食蚝嘅人都觉得好好食好鲜甜！最左嘅日式酸汁最淡，食到生蚝嘅鲜味本味，酸酸甜甜嘅酱汁带出生蚝嘅鲜甜🤪中间嘅鸡尾酒酱，上面加左啲鱼子酱，微咸嘅鱼子酱加上生蚝本身嘅海水鲜味，鲜上加鲜，我男朋友觉得呢个最好食😝右边嘅泰式酱汁就少少香辣，两个相映成趣，好夹好好食😙我个人最钟意呢个味道，但系因为泰式酱比较浓味，所以建议最好最后先食☺️
推荐度：😋😋😋😋😋
🐮 A5宫崎和牛他他配洋葱及特制酸汁 $332
呢个系我同我男朋友一致认为系最好食嘅，我男朋友甚至夸张到食完望住𠮶碟久久不能平复🤯和牛片外面有一层焦化层，生肉嘅软嫩无筋同鲜甜，同焦化层嘅碳香味、焦脆嘅感觉互相衬托，形成好有趣嘅口感，需要注意嘅系洋葱偏甜唔辣，所以同蛋黄捞匀之后攞少少摆喺肉上就好好食，洋葱嘅鲜甜完全衬托出肉味嘅浓厚鲜美，十分正！💘
推荐度：😋😋😋😋😋
💚 饮品
🍹北海道芒果牛乳乳酸 $48
芒果同乳酸都系酸酸甜甜嘅，好清新，喺餐点之间饮下会好开胃～
推荐度：😋😋😋
🍹 士多啤梨多多熊冰
上面浮住个好可爱嘅熊仔，加埋下面粉红色嘅嘢饮，好适合打卡！！！就算系冬天饮冰都好开心～草莓甜甜地嘅味道亦系一个好解腻嘅存在💘
推荐度：😋😋😋😋
张贴
