豚丼のぶたはげ (德福廣場1期)

营业中

休息中

好耐冇去过九龙湾食嘢，德福广场呢度都开咗唔少新餐厅，见到呢间评价唔错，又好似几多嘢食，就嚟试吓。夜晚7:00嚟到，都唔使排队，不过就已经话要限时75分钟。虽然个舖头名主要系卖豚肉饭，但系都有唔少鱼生丼同埋天妇罗食，我哋就叫咗一个天妇罗锅烧乌冬，一个海鲜丼，加定食系要加钱，定食就包括茶碗蒸、汤、甜品、前菜，甜品系寒天，汤可以拣豚肉汤或者海老汤。特上天妇罗锅烧乌冬定食 $125真系有个锅即刻烧住食，好快已经可以熄炉，否则啲乌冬会痴晒底。锅入面除咗乌冬，仲有油扬、金菇、菜、冬菇、鱼片、鸡蛋(只有蛋黄没有蛋白？)。汤底冇乜特别味，乌冬好快已经腍晒。天妇罗全部都冇乜味，鱼都冇乜鲜味，不过天妇罗粉唔算厚，几脆。估唔到海老汤系樱花虾，以为都会有只虾。帆立贝大赤虾丼定食 $151帆立贝竟然有6块，但完全没有味，没有腥味也没有鲜味，赤虾肉也是完全没有味，虾头的膏就有少少鲜味。另外加$5果茶好甜，药水味甜品黑糖寒天，寒天本身冇味，全靠黑糖汁。仲有一个问题，就系餐厅非常热，食到出晒汗，好似冇开冷气净系靠商场啲冷气咁，就算未食乌冬之前已经好热，食食吓更加系出晒汗。