犇殿台灣火鍋 (青衣城1)

营业中

休息中

澳洲朋友返香港过圣诞，梗系带佢食餐火锅啦，佢住青衣城附近，就一就佢，屋企楼下有得食《犇殿台式火锅》。选了美颜牛奶传统台式汤底~滚起之后记得饮头啖汤，尝一尝牛乳汤底嘅滋味。上选安格斯牛肉~雪花程度已经好满意，唔使太肥牛肉味香浓食到最后点都要encore美国猪梅花~一渌就熟，拖多几多，入口嫩滑；纽西兰羊肉卷~朋友食惯羊，佢话呢个都唔错；烧酒鸡~呢个朋友都好识食，佢话啲鸡够滑够大件，正！其他台湾火锅配料都包罗万有，台湾鸭血、五餐肉、蜂巢豆腐、手工蛋饺、台式鱼饺、福建燕饺等等等等，仲有大家喜欢嘅响铃卷，一渌就熟，索满汤汁，滋味无比；大大只海虾， 鱼青滑(鲮鱼肉)，墨鱼仔；其他台式食品自助区任取，《台式小食》皮蛋酱油豆腐、蒜泥白肉、麻辣云耳红烧牛肉、古早控肉、麻油鸡 、樱花虾炒饭、卤水豆腐、夜市小香肠、卤水炆猪脚……《炸物》香煎饺子、台南盐酥鸡、地瓜丸及宜兰葱馅饼 ……除咗手机落单点肉类及台湾特色小食，出面自助区有大雪柜有各款饮品汽水，火锅配料应有尽有，丸类、蔬菜及淀粉质，比较特别嘅有水莲及花生芽，可以食到我钟意嘅皇帝菜。甜品方面主要系雪条雪糕，临近圣诞，雪糕盖特别图案好吸引，有个小型台式芋圆凉