金功夫點心火鍋 (已結業)

心思思想打边炉好耐，终于趁今日天气少少转凉，相约左几个同事试一试呢间新开既"金功夫"。订左6点半，由于时间尚早，所以人唔算多，一去到就带我地去留左既"贵宾位"。一坐低，第一时间梗系拣汤底，同事话个醉鸡汤底唔算太出色，所以我地拣个个名劲啲既～～"瑶柱白玉滑鸡锅"，一上锅，个卖相系几吸引。用雕边既冬瓜包住滑鸡，加上清清地既鸡汤，正！之后点左个安格斯雪花牛，上碟又系有心机咁砌做花花样，好有台湾"寛巷子"FEEL....精品火锅。加上自家制既手打虾滑，墨鱼滑，又系另一推介。不过响铃就唔算好食，有啲硬得滞。大部份既食材质素都叫中上，值回票价。