影片
更多
2024-07-25
633 浏览
别忘了 Don’t Forget📍天水围天湖路2号天耀广场LG1楼LG15-16号舖朋友难得周末放假入嚟元朗国陪我，我都废事再外出远方觅食，所以喺附近商场揾咗间经过几次都未食过嘅台式餐厅，食咗个快饭。呢间以粉红色樱花树做装饰嘅餐厅相当抢眼球，配上柔和木色嘅桌椅，令人感觉舒服惬意。餐厅主打台式火锅，自取食材新鲜多元，仲提供多款台式手摇同甜品，性价比其高。不过我哋当日唔算太饿，所以选择咗价值更优惠嘅午市套餐，埋单找数都系$150左右，认真抵食！ 💰$65绍兴醉鸡饭 🐓招牌卤肉饭嘅饭底选用粒粒饱满嘅珍珠米，有咬口之余，米味亦十分香浓，淋上肥瘦均等嘅香卤肉，特别下饭。肥肉富胶质，瘦肉不干柴，配上香甜微辣嘅菜脯，净食都已好满足。我哋仲加咗$5叫多半粒溏心蛋，咁就齐齐有得食，唔洗争！套餐包有绍兴醉鸡卷一份，连皮鸡卷十分嫩滑，每件都吸收绍兴酒浓郁香醇嘅滋味，口感味道都好清新，夏天食一流，配卤肉饭更可中和油腻感。 💰$54盐酥鸡麻辣鸭血米线 🐓🍜朋友拣选麻辣米线套餐，一拼过试晒餐厅三大人气美食—鸭血、盐酥鸡、麻辣米线！盐酥鸡炸得香脆无比，但鸡肉依然嫩口多汁，外脆内嫩嘅口感非常正！同一般台式盐酥鸡唔同，
📍天水围天湖路2号天耀广场LG1楼LG15-16号舖
朋友难得周末放假入嚟元朗国陪我，我都废事再外出远方觅食，所以喺附近商场揾咗间经过几次都未食过嘅台式餐厅，食咗个快饭。呢间以粉红色樱花树做装饰嘅餐厅相当抢眼球，配上柔和木色嘅桌椅，令人感觉舒服惬意。
餐厅主打台式火锅，自取食材新鲜多元，仲提供多款台式手摇同甜品，性价比其高。不过我哋当日唔算太饿，所以选择咗价值更优惠嘅午市套餐，埋单找数都系$150左右，认真抵食！
[价钱 Price]
💰$65
绍兴醉鸡饭 🐓
招牌卤肉饭嘅饭底选用粒粒饱满嘅珍珠米，有咬口之余，米味亦十分香浓，淋上肥瘦均等嘅香卤肉，特别下饭。肥肉富胶质，瘦肉不干柴，配上香甜微辣嘅菜脯，净食都已好满足。我哋仲加咗$5叫多半粒溏心蛋，咁就齐齐有得食，唔洗争！
套餐包有绍兴醉鸡卷一份，连皮鸡卷十分嫩滑，每件都吸收绍兴酒浓郁香醇嘅滋味，口感味道都好清新，夏天食一流，配卤肉饭更可中和油腻感。
[价钱 Price]
💰$54
盐酥鸡麻辣鸭血米线 🐓🍜
朋友拣选麻辣米线套餐，一拼过试晒餐厅三大人气美食—鸭血、盐酥鸡、麻辣米线！盐酥鸡炸得香脆无比，但鸡肉依然嫩口多汁，外脆内嫩嘅口感非常正！同一般台式盐酥鸡唔同，佢嘅调味唔会过重，唔会死咸，食完亦都唔需要不停饮嘢解渴。
至于麻辣鸭血米线就无得拣选辣度，米线粗幼度同软硬度都系我个人非常喜欢嘅比例，汤底微辣带小麻，我哋两个唔太食得辣都handle到。而全场最好味嘅，一定系鸭血，因为每片厚度适中，入口顺滑带点结实，没有丝毫腥味，非常正宗。
[价钱 Price]
💰$36
夜市甜不辣 🍢
最惊喜嘅系呢款小食，无谂过$40都唔洗，就有一大碟甜不辣！呢个价钱同份量，同台湾有得fight，而且味道都还原到台湾夜市嘅甜不辣，所以我哋非常推介！炸过嘅甜不辣条依然十分烟韧弹牙，再洒上夜市小食必备嘅椒盐粉，真系香口无比，好易令人食上瘾！
两个午市套餐都已包一杯台式饮品，我哋拣咗唔洗加钱嘅两款茶饮。
柠檬胭脂桃花红茶 ☕️
呢款胭脂桃花红茶清爽耐喝，系少数我钟意嘅果香茶。花底甘醇且有清甜果香，配上新鲜柠檬片更清爽解渴，建议配搭为少冰微甜，值得一试。
玉兰绿茶 🍵
唔喜欢浓茶嘅可以拣玉兰绿茶，玉兰花香渗透绿茶茶叶，独特香气轻淡，喺口中却持久飘逸，配搭浓味主食好夹！
张贴
