天鳥居酒屋

营业中

休息中

最近去咗天鸟居酒屋食晚餐，估唔到天水围都有咁正嘅居酒屋！呢间居酒屋都几大间，环境好舒服同埋好热闹最近seasonal有小鲷刺身，我地叫左半条，都只系$158。鲷鱼片好新鲜，色泽好靓同埋肉质好嫩滑，连埋特制嘅汁，每一口都好清新，真系食到停唔到口！之后嚟嘅就系极上寿司盛合，两个人share食几好，而且寿司每款都够新鲜。平时我唔系好食吞拿鱼赤身，但呢度都整得够爽口同有鲜味。我地仲试咗佢哋嘅盐烧鲭鱼定食。鲭鱼烧到金黄色同埋好香。鲭鱼嘅肉质嫩滑多汁，配埋白饭，真系好正！定食仲跟埋面豉汤、螺肉、沙律、蕨饼，超抵食！最后，我仲加左芝士辣肉酱焗原条茄子，因为真系好特别少见。加左芝士同埋辣肉酱，味道层次分明同埋好够香，每一啖都带嚟浓郁嘅味道同埋好丰富嘅口感。总括而言，天鸟居酒屋真系留低好深刻嘅印象喇！佢嘅食物好正，价钱又平民，性价比唔错。