影片
更多
2019-10-15
4065 浏览
晌杂志见到「原艺」呢个名字，就谂紧喺唔喺两年多前晌太子帮衬过嘅小店「原艺」呢？表姨甥女近排晌西贡荔枝庄𠮶头嘅梅子林搞艺术嘢，帮啲村屋画墙画，可谓日晒雨淋，真喺服咗佢，个项目接近完成，当然要请佢食餐好嚟鼓励吓啦，所以，专诚走到嚟位于九龙塘「原艺」嘅新店。虽然，对好多人嚟讲，餐厅嘅位置比较吊脚，但对小弟而言，一啲都嚟陌生，皆因中学时期郁喺晌大坑东、南山邨、九龙塘呢几个片区头渡过。踏进餐厅，一室深灰为主调，配以原木嘅木系枱櫈，有种原始风。最有趣喺近门口位布置成一个工作台，有专业嘅画图枱櫈，墙上又挂上好多工具，喺打卡位嚟。并配以柔和嘅灯光，令人感觉好舒服，我就最钟意喺每枱都有射灯聚焦，方便喜欢影相嘅朋友。细心位唔止呢样，墙上嘅冷气都特别加装咗挡风板，令到吹出嚟嘅冷气回转向番上，一来唔会咁快吹冻啲食物，二来重点就喺唔使照头吹，吹到头晕。此外，餐具套都好有特色，以牛仔布整成，打开之后就见到一整套基本餐具。晚市食物选择方面，可以讲主要喺供应套餐，而晚餐包括自选主菜配餐饮，定价$108-$238；但另提供多款头盘，如沙律、冷盘、小食、汤品，变相让你将晚餐「升级」，弹性而丰俭由人。另外，亦有一组「全套」
虽然，对好多人嚟讲，餐厅嘅位置比较吊脚，但对小弟而言，一啲都嚟陌生，皆因中学时期郁喺晌大坑东、南山邨、九龙塘呢几个片区头渡过。踏进餐厅，一室深灰为主调，配以原木嘅木系枱櫈，有种原始风。
最有趣喺近门口位布置成一个工作台，有专业嘅画图枱櫈，墙上又挂上好多工具，喺打卡位嚟。并配以柔和嘅灯光，令人感觉好舒服，我就最钟意喺每枱都有射灯聚焦，方便喜欢影相嘅朋友。
细心位唔止呢样，墙上嘅冷气都特别加装咗挡风板，令到吹出嚟嘅冷气回转向番上，一来唔会咁快吹冻啲食物，二来重点就喺唔使照头吹，吹到头晕。
此外，餐具套都好有特色，以牛仔布整成，打开之后就见到一整套基本餐具。
晚市食物选择方面，可以讲主要喺供应套餐，而晚餐包括自选主菜配餐饮，定价$108-$238；但另提供多款头盘，如沙律、冷盘、小食、汤品，变相让你将晚餐「升级」，弹性而丰俭由人。
另外，亦有一组「全套」嘅晚餐，包晒沙律、头前菜、餐汤、主菜及甜品，虽然餐牌无写，但都包埋餐饮。定价每位为$488，但两位用就收$788。
小弟本身一向都唔好酒，不过，顺带介绍埋佢哋嘅餐酒菜牌，正正印晌晚餐菜牌之后。整体而言，感觉定价好进取，相信都喺因为住得呢区都喺唔介绍消费高啲，但就想食有质素嘅「上等人」。
凯撒沙律先嚟一道清爽嘅凯撒沙律，酱汁捞得均匀，每炷罗马生菜都被酱汁薄薄咁包住，混和烟肉碎、烘面包粒及巴马臣芝士碎，爽口俐落，点点咸鲜味。
白酒煮青口当送到上枱之时，真喺散发出阵阵酒香，不过，晌食嘅时候，啲白酒挥发得差唔多，所以，唔使太担心有太重酒味；随之而嚟，喺青口嘅鲜甜味，而且，啲青口都几够肉地。
龙虾忌廉汤个龙虾汤加咗少少食用花伴伴碟，立时靓咗好多。入口，够热辣，虾味极之突出，每口汤都带着龙虾精华似的，而且，质感非常柔滑，喺好有质素嘅一道汤品。唯挑剔喺缺少啲特色嘅面包嚟配餐汤。
龙虾忌廉汤
10 浏览
0 赞好
0 留言
油封鸭腿呢一道都可以讲喺几经典嘅法国菜式，大大只鸭脾煎封好，外皮油润有光泽，一咬喺坚脆口，但却唔会一口油，拆开啲肉，松化并有种鸭嘅独有膻香，沾少少自家调制嘅苹果酱，更去走埋剩下丁点嘅油腻感，味道更平衡。
油封鸭腿
16 浏览
0 赞好
0 留言
伴菜有好多菇菌及野菜，唔喺白烚货色，都喺以蒜蓉炒过，宁舍香；但最深得我心喺橙黄色嘅蕃薯蓉，非常香甜，搓得软滑，但仲保留少少蕃薯肉，令口感多添几分层次。
澳洲M4霜降和牛板腱另一道主菜以牛板腱入馔，喺较少接触嘅位置，你问我喺乜位，其实我都唔喺太清楚，但切开嘅纹理，本身嘅外观，都有啲似牛展，不过，煮得十分松化，而且，超入味；虽然喺M4级，又话明喺霜降，不过，油脂比预期少，却甚具肉香。
澳洲M4霜降和牛板腱
17 浏览
0 赞好
0 留言
即磨咖啡上甜品前，先嚟杯即磨咖啡，好调节吓心情迎接两款甜点。咖啡其实无咩特别，但入口仍然喺醇香馥郁，不过，鲜奶可以另上，让客人自己决定落奶多定奶少会更好。
法式柠檬挞3款甜点中，小弟首选就喺柠檬挞，因为，既可清清味蕾，又喺法式甜点中嘅经典。果然，不负所望，外层嘅挞壳做得又薄又脆，无论边定底，厚薄一致。馅心嘅柠檬蓉，既软滑，又酸香，非常清新，衬咖啡一流。
法式柠檬挞
54 浏览
1 赞好
0 留言
朱古力黑茶慕丝虽然啲甜点无乜点加啲摆设做装饰，但呢件慕丝饼外观花俏吸晴。切开一睇，饼底中间喺一大嚿较硬身朱古力，被柔滑嘅慕丝所包围，不过，「黑茶」？就唔喺太觉得有咩茶味，反而，朱古力味较为抢。
事隔两年多再访，都无失望，食得出食材确喺有质素，大厨嘅厨艺扎实，加上环境、气氛好，喺叫人食得好舒心、好享受。结尾，都分享番表姨甥女嘅其中两张作品，同样喺原创嘅艺术。
表姨甥女打后仲有好多大项目，希望呢餐真喺可以为到佢打打气。
张贴
