花月宮

营业中

休息中

入到火鍋店見到poster話最新推出天麻川芎燉原個大魚頭湯，睇落幾吸引，喺其他火鍋店都比較少見，所以就叫嚟試下，一嚟到就聞到超濃嘅藥材味，一撈就知真係好足料，我地都好鍾意藥膳嘅味，所以滾起之後都飲咗好幾碗湯，魚頭有煎香過，中間仲有大大舊魚雲，加上係藥膳湯底，所以個食落都唔覺有腥味🍲配料揀咗豬肉片、花膠、響鈴同埋娃娃菜，個日本北海道花豚豬卷肥瘦適中，自家製嘅響鈴食落好鬆脆，向來都係打邊爐必備嘅食物🥢另外見到依度做緊早鳥優惠，530後入座730前交枱就有78折，如果早放工或者放假嚟食就會更抵喇🕒